社福慈善團體其實係未真心幫人？

細佬點解有呢個體會呢？

事關細佬有個貨倉，有位朋友以前開精品店後來無做，就將d存款擺放係我度。咁最近佢話唔要批剩餘物品，叫我幫佢當垃圾丟晒佢。

咁我見雖然批貨數量唔多，兼種類雜亂，但執齊都有十幾箱。就諗住唔好浪費，希望可以捐比的慈善福利團體，打算送比有需要的小朋友同家庭都好過當垃圾啦。

點知聯絡過幾間機構，有話祇會接受損款唔接受實物，有話祇收正版商品（老實講d貨有部分非正版），有話祇收大量同品種貨，太雜散無興趣。

好啦終於搵到間願意接收，但由於我唔會搵車送比佢，要求自己來收。佢都話無問題，不過就兩個星期都無音訊，要定唔要都唔回覆。

唉，所以細佬對香港呢班所謂社福慈善團體真係好失望！諗住環保d唔想浪費，點知原來係白費心機。

唔知各位仁兄有無其他途徑提供，唔通真係要送去堆填區？