睇黎你仲係負面情緒之中喎! 心理學上, 如果你成日諗住負面野, 帶住負面情緒, 覺得全世界D男人都係衰人, 咁你就會向住呢個方向進發架, 千奇唔好因為呢D負面情緒而影响左你得到幸福o既機會.
同信得過的朋友訴下苦都有幫助, 但要小心選擇訴苦對象, 要搵一D比較客觀同正面o既人傾, 唔係你已經夠負面, 佢仲加多2錢肉緊, 咁就仲衰過唔講. 搵D運動玩下, 發洩下, 又或者學一樣新興趣, 將自己心思放係其他野度, 平伏一D唔好勁諗住.
最重要係, 失戀分手, 受傷害, 好多人都有過呢D經歷, 但唔好因為咁而否定自己, 佢hurt你, 唔代表你唔好喎, 感情野好難講, 只係佢唔珍惜你, 唔識欣賞你啫, 你如果連自己都唔愛自己, 人地又點愛你呢?
請不停同自己講, 你好好, 只係佢唔識貨, 你會變得更好, 搵個識得珍惜你o既人, 加油呀!
可以找專業社工or自己信任的朋友/長輩輔導一下, 解開自己的心結, 一味逃避只會令問題越來越深, 到時受傷的只會係自己.