✔ 最佳答案
蘇浙公學本身有好多間,不過由你出發既地方嚟睇,我估你係去下面呢間:
沙田蘇浙公學: 禾輋邨豐順街7號
如果由石門出發,可以行返過去大涌橋路搭九巴85K(沙田鐵路站方向,$4.6)去到禾輋邨落車,過對面,右轉入禾輋街,再右轉豐順街.
如果由大圍出發,而近美林邨既話,可搭九巴81(禾輋方向,$5.2)直接喺禾輋總站落車即到.
曾璧山中學: 馬鞍山恆光街12號
如果由石門出發,可以行去大涌橋路(要過對面嗰面),嗰度有多條去馬鞍山既巴士同小巴路線,可以話全部都去到,但比較建議乘九巴43X、81C呢兩條去耀安既路線(落車站名就係嗰間中學),因為落車之後唔駛過馬路,只需左轉恆光街行到街尾; 又或者搭九巴85K、89C呢兩條去恆安既路線,落車站名係"耀安邨",之後行番轉右轉恆光街行到街尾; 如果搭港鐵馬鞍山線可以喺恆安站C出口出,之後向前行(應該係同嗰邊車行方向相反)去到恆康街右轉兼過馬路,再左轉恆光街.
如果由大圍出發,咁巴士可以搭九巴81C; 或搭港鐵馬鞍山線同上.
兩間學校直接行過去都有困難.