如何分辨CD真偽?

要買正版CD大前提係喺大公司或代理商買, 萬一要去拍買網站買就要睇吓賣家嘅過往評語.

睇印刷
如果你買嘅CD番嚟嘅時候已經有絲印圖案, 有哂封套, 印刷精美, 盜版機會少咗一啲, 因為要印一張製作精美嘅翻版CD工序唔少, 如果你買嘅CD唔係乜嘢限量版, 價值唔高嘅CD, 翻版人唔會嘥太多時間金錢去翻製CD同封套, 但亦唔排除係翻版CD.

睇顏色
通常CD背面多數銀色, 正版同翻版都可以係同樣係銀色, 但如果你留心睇正版係原裝壓製, 唔係用電腦抄錄, 所以背面嘅銀色層會好光滑, 反光比較明顯. 如果係翻版抄錄嘅CD; 銀色比較沙啞, 反光度差. 你將有懷疑嘅CD同一般正版或翻版CD比較吓就睇到.

睇號碼1
正版CD內圈一定有號碼, 呢個號碼係呢隻碟註冊咗嘅篇號, 應該同包裝盒上面相同, 亦可以向發行商查詢到呢隻碟嘅資料, 亦有可能盒上未必有呢組號碼, 視乎個別發行商, 呢組號碼翻版商亦可以偽造, 但盜版商會唔會咁做.

睇號碼2
如果內圈冇號碼, 翻版機會愈大.

睇號碼3
號碼係D字行頭, 多數係抄錄式光碟, 翻版機會大.

睇價錢
問自己有冇咁大隻蛤乸除街跳

好似係睇CD內圈果組號碼... 細細粒果組號碼...