想學一樣比較易學的樂器

陶笛與口琴相比: 陶笛學起上來會慢少少﹐因為要靠死記指法﹐ 每個音都有不同按法﹐初學時手指會打交。但幾個月下來﹐ 你熟習了手指位後﹐ 由於吹來吹去都是那幾個音﹐ 加上每次都只是吹一個單音﹐慢慢就變得容易了。所以陶笛是一個難學易精的樂器。口琴剛剛相反﹐一吹一吸之間﹐ 同大多數樂器一樣﹐音域由左至右變高﹐一講你就明﹐ 一兩小時內你己經可以吹歌仔了。口琴可以於同一時間發幾個音﹐ 可以玩和弦﹐ 又可以用舌尖封住某D音孔玩下特別效果﹐ 加上可以震音﹐ 複雜的口琴仲有個 "制" 比你推﹐ 可以將琴音升半度﹐ 一支口琴可以玩倒唔同既 "調" 。(普通口琴只有一個調。)
所以總括來講﹐口琴是一件比較易學難精的樂器。 註: "變調" 即係以高音一點或低音一點的調子來玩同一個旋律﹐ 你去唱K時按個 b 或 # 制就得了﹐ 但在樂器上變調要複雜好多架 ! 陶笛同普通口琴﹐ 想變調只有買個另一件樂器。口琴種類上面己經講過﹐陶笛也有幾種 : 細細個﹐圓圓地﹐ 可以當頸鏈掛的 --- 比較高音 / 尖聲。
"潛艇" 型 -- 音域較闊﹐ 最多人用。
其他奇形怪狀都有﹐見過一個茶杯型﹐ 真係可以裝水的 ! 兩種樂器都唔貴﹐經濟可以的話咪買晒來玩囉﹐ 識多樣野無壞喎。課程我就唔清楚﹐你咪打電話去屋企附近琴行問下囉。不過這兩種樂器都比較簡單﹐ 上 youtube 學仲好啦。既唔洗錢又可以隨時學。