兩個不同世界的人

佢話唔鍾意聽呢d　？

你試下講　ｄ　佢想聽的事　，　
如你近況　／　社會上所發生的事
一　　ｄ　關於佢嗜好同興趣　

吾好只系講愛情上的事　／　你同佢的事　


可能真係兩個唔同世界既人　？

吾系　，　你地只系吾夠了解同關心　！

因為佢鍾意d有自高同自大既人
但佢同時可以鐘意好男仔／上進男仔

好多時吾好去估　／　懷疑　！

睇你呢個情況, 其實勉強無幸福呢, 當然兩個人係一齊實有D野要互相遷就, 但如果根本係要將自己變成另一個人, 又或者完全扭轉自己性格喜好, 辛苦係其一, 更重要係唔會長久, 你係你, 如果要你變成另一個人, 佢先會鐘意你, 咁佢鐘意o既人真係你嗎?

咁同你話你鐘意佢, 條件係, 佢要變到李家誠咁有錢, 吳彥袓咁靚仔, 咁你真係鐘意佢嗎? 定還是只係將對方強行變成你理想對象, 相信你都明白, 咁係唔work架! 真心鐘意一個人, 你會願意為佢調整一下, 同時, 你亦會接受佢係一個點o既人, 會欣賞佢o既好, 亦明白佢都有D唔好, 人無完美嘛!

但睇落, 你EX完全做唔到喎! 連最基本有來有往都無, 就算係普通朋友, 人地約你出去玩10次, 你都約返人一次呱? 又或者人地請你食10次野, 你點都會唔好意思, 做返D野呱? 如果一段關係, 2個人地位同付出都咁唔平等, 其實長遠點都會散架!

你同佢講野, 佢不耐煩, 咁即係亦都無得溝通, 佢甚至係連了解你都費事, 雖然男仔普遍係怕煩, 但如果佢著緊你, 點都會聽下你點諗, 大家了解下, 你地關係太唔平等喇, 似乎係, 佢無咩所謂, 你係度又好, 唔係度又好, 但你就好著緊佢, 想要為佢改變好多, 做好多野.

任何關係都需要用心經營, 花時間去建立, 睇你呢個case, 你似女版白兵! 人地愛唔愛惜你, 都算, 但自己一定要愛惜自己, 而家個世界唔係得佢一個男人, 如果同佢一齊仲衰過自己單身, 咁做咩要攞苦黎辛呢? 記住, 愛情係要令2個人都生活得比自己一個人更好, 先有意思架!

建議你放開啦! 女仔時間好寶貴, 唔好浪費係一D唔珍惜你o既人身上, 快D放底佢, 唔好再諗佢喇! 好好過自己生活, 多D識下朋友, 參加下唔同活動, 相信你將來一定會遇到一位愛你又識珍惜你o既人架! 分左就唔好再俾呢個人影响你自己將來o既生活, 根本一D都唔值得架!

加油! 希望你早日搵到幸褔!

要點做其實要你自己決定，旁人只可以比意見，但當你決定左之後唔可以埋怨任何人，因為你既人生係你自己既，你先係自己既主人。

比你繼續同佢一齊，一係就係你繼續就住佢，但你辛苦。一係你改變佢，但改變佢當中既過程唔知你要同佢嘈幾多次既交先得，只不過係你地嘈交既過程當中，你同佢都已經傷痕累累。

如果只係因為話唔甘心 / 唔捨得而繼續一齊既，就真係算啦。我會想簡單一d問，你同佢可唔可以返得到最初甜蜜既時光？又或者，你同佢事但一個變左，係咪可以即刻變返原本既自己？

比你繼續同佢一齊結左婚生埋仔又點？根本從一開始你地既諗法唔同，唔通到將來為左教個細路既問題係個細路面前嘈咩？個細路都唔好受啦。

可能要你諗你會覺得好難諗好痛苦，又或者係我駛咩諗得咁長遠者？

但我會相信一樣野，係自己結婚都總會想同嗰個人「執子之手，與子偕老」吧。但如果一個家係經常嘈既話，仲有可能維持得到落去嗎？冇小朋友都還好，如果有小朋友既話，發生呢d都總會對佢地造成影響同傷害吧。

我只可以將我經歷緊既話比你知，希望你好好諗諗。因為你既決定影響唔到別人，但絕對會影響到自己同自己身邊既人。

冇咩好做, 下次識男仔千期唔好同佢上床. ok? 唔好俾愛情沖昏頭腦.

其實你自己都帶出左個問題,就係佢唔岩你:( 你唔洗為左佢去改變自己架:)應該話,你覺得值唔值得為佢改變自己先?佢到底係咪中意你?你改變左佢都可能對你係咁:>你地既然係2個世界既人,我就覺得你要提出分手囉你唔話比佢聽唔係幫緊佢架,佢依種態度係唔岩你唔話比佢聽,咁你同佢分左手咁點?你應該同佢分手,講晒你想講既野出黎咁先可以幫到佢(唔係話分手可以幫到佢)勉強真係冇幸福架:>雖然我可能唔係最佳,但我想你認真考慮下我既提議!

我同ex係上年4月識！？！？！ex解前度喎，咁究竟分咗手未！？！？！？
如果分咗手，我勸你忘記佢，搵過第二個啦，勉強無幸福呀，何必辛苦自己呢？

就當你哋未分手，或者你想挽回呢段感情，從你嘅言語當中，你睇到呢啲嘢。

「佢鍾意d有自高同自大既人，但可惜我唔係，我都試過改變，但係改變唔到。」你係你自己，點解要為迎合別人去改變自己呢？如果佢真係中意你，你根本無需改變。

「係同佢一齊既時間，我成日都要主動搵佢，我覺得好累，因為佢既回應都好冷淡。」證明你都唔係好愛佢，因為無論女追男又好，男追女又好，無論對方點冷淡，你都一定會好主動甚至好樂意去搵對方，呢啲係熱戀中嘅情侶應有嘅心理 。

「我成日有好多心裡話都想講，次次講比佢聽都不耐煩咁，佢話唔鍾意聽呢d」有兩個可能性：

第一個可能性：佢根本唔關心你，因為身為你嘅另一半，有責任去幫你分憂。

第二個可能性：可能你負性能量嘅心事太多，正能量嘅心太小，講得太多負能量嘅心事比佢聽，搞到佢生嫌。試問有邊個會中意自己嘅男朋友或女朋友成日訴苦或終日愁眉苦臉，又試問有邊個會唔中意自己嘅男朋友或女朋友成日開開心心，講一啲開心嘢。

至於你愛佢有幾多，佢愛唔愛你， 其實你心中有數。

至於要勉回(或者繼續)就又你自己去決定，因為感情始終係兩個人嘅事，唔方便幫你做決定，我哋作為旁觀者，只可以比意見(其實唔係太應該比太多意見你。)

分手。

講真...溝通係雙向既...更何況拍拖?
如果你有心事有說話想講...
佢一句"我唔鍾意聽哩D"撻埋黎...
係女仔都心淡啦下話...
好...就算你而家忍到...
講長遠D...結左婚之後依然係咁...
生左小朋友之後依然係咁...
你有壓力有唔開心都冇得同對方講...
有咩都唔會分享...咁你一齊黎做咩?
有句老土話講得好岩：主動得多會累...
睇你打字年紀唔係好大...
慢慢黎啦...唔好咁快就鎖定自己比一個人...
唔係日後後悔就遲...
要多為自己著想...

衷心祝福你!

為自己以生為自己以活,就得一時吾就得一世,遲早分手