美國vs伊朗

係伊拉克先至會低能到同伊朗打正牌人海戰術，美軍無可能咁做。美軍乜都有，駛乜同啲革命烈士一樣咁傻仔。外科手術攻擊就係一定，而且打既模式應該會同打伊拉克差不多。因為伊拉克國力最強既時候就係兩伊戰爭啱啱完嗰時，當時伊拉克比伊朗強大好多，有全球第四大陸軍，人數達百萬之眾，但美軍及聯合國軍用智能武器及快速陸戰，一個月就打殘伊拉克。近廿年伊朗軍隊有無發展到好似1991年既伊拉克軍咁犀利﹖唸下都知無咁勁，美軍連伊拉克咁勁用外科手術式戰爭都可以打到佢殘廢，打更廢既伊朗更加會咁做。

中俄當然唔敢擺到明同美國作對， 因為兩國國力與美國相差太遠，但派軍事顧問或秘密支援就有機會。只係要幫都幫唔到多，伊朗最需要既係先進防空飛彈及反坦克武器，呢兩樣野中俄都幫到手，但幫幾多就無人知。

最值得注意既係以色列會唔會郁手先。31年前以色列自己出手成功，以佢我行我素既性格，再加上好似巴拉克呢啲猛人做國防部長，及內坦尼亞胡呢類強硬份子，佢地份人好有機會沉唔住氣打左先。不過我極端懷疑 F-16I 有無咁長航程奔襲伊朗，畢竟伊拉克近好多，往返易好多，但伊朗太遠，而且核設施未必集中係一個地方，呢啲係極為現實既限制，以軍班大佬全部十分精明，佢地未必願意冒呢個險。

會靠高科技作手術式攻擊。美大選在即，阿富汗戰事未完應不會在此時動手。但以色列說絕容忍伊朗有核武，因伊朗已有中程導彈，以色列在射程內，如裝上核彈頭會成生死威脅。所以 以色列可能先動手。東森新聞- 以色列向美買了50枚鑽地彈和用737(?)改裝成10多架加油機。如以色列先動手，老美侷住幫手。 以色列和老美都不想打地面戰，80年代步兵戰可能發生。蘇聯和伊朗鄰近，可能會軍援及提供雷達偵測資料。啊爺要動手不如解決家門口問題，反正向誰買油都要錢。