好想離婚，好辛苦

我係上年結婚因為有bb，由結婚第一日開始就係惡夢開始我係住係澳洲結婚第一日，老公話興足結婚所以去了賭場食餐好，點知食完就叫我俾錢佢去賭跟住就叫我自己返屋企先，果時夜晚晚我自己大住個肚返屋企，佢到第二朝先返屋企，我已經好傷心，之後佢一有錢就去賭，賭到走火入魔，佢仲話我黑住佢叫我返我娘家住，住左一排，佢無理我大住個肚只顧住賭最後輸灑無錢跟住要我返去，食飯我出，到我生了，我地搬返去娘家住，因為新屋還未起好，跟住我呀媽就陪月，煮野比我食，佢仲讀緊書佢呀媽轉錢俾佢交學費，跟住佢羅d錢去賭，之後佢就早出晚返，我呀媽睇唔過眼問我有無搞錯，唔理我同bb經常走出去，我都唔知點答，又唔敢同佢講事實俾佢知怕佢擔心，之後打俾佢同佢講，佢叫我同媽講話去返工，痴線嫁！之後到收樓，終於要一家三囗一齊住，奶奶過左嚟買家俬，之後所有家俬都係我砌，佢就一句話唔識就唔理，燈膽無電想叫佢整跟往就話唔識無問我，見到飛蛾走得仲快過我，到bb，佢見到bb大便又話嘔又話臭，我夠係啦唔通唔理吖，佢輸灑錢後就日日係屋企打機，叫佢搵工佢就揀工又話果份辛苦果份人工低，之後搞網上生意，bb從食到穿佢幾乎無出過，全部都係我，媽，奶出，屋企食嘅就我同媽出，bb全程由我湊，佢鐘意就抱，打緊機就唔理，又唔教bb就只有我教，原本水，電，煤所有費要我出，買餸煮飯，湊b都係我，後期我頂唔順，叫佢交水電煤，同煮飯，洗碗，如果唔係我真係會好辛苦，結婚後連仔都生埋佢仲當佢自己係少爺，仲做緊仔，同佢溝通過好多次，我最低要求想叫佢出去打工，跟住佢話自己係碩士，唔會做cheap工，要做就做白領做管理，救命！之前有果鬼佬叫佢返工，但係因為佢無車牌所以唔請，我聽完後激死我，我話晨早叫你考車牌嫁啦，佢呀媽俾灑錢佢搵埋教車師父俾佢都唔考，之後佢就話竟然有鬼佬工請我喎，之後就坐低繼續打機，想死，到宜家我已經無力再同佢講因為我知，講完等於無講，我試過同奶奶講，我直接話佢再係咁我會同佢離婚，跟住佢話屋企要有個男人係到會好d跟住我話佢跟本係個女人，同朋友講佢地話如果離婚bb好慘無爸爸，但我認為離婚後個老豆仍然可以探bb佢唔係無爸爸，除非果老豆一直唔探佢啦，e兩年我已經俾好多次機會佢，到宜家佢都係日日對住部電腦真係好心淡，宜家我剩係想帶住果女走左去就算，唉