同男友儲錢買樓

姊妹 !本不喜歡留言, 但見到你的情況就禁不住要講幾句。我地唔係港女, 唔係好似人地要屈到的男仔俾晒首期, 供晒樓, 養埋外家…..都睇得出你係個好女仔 ! 而家的世界,有邊個唔係公一份、婆一份 ?但以公一份, 婆一份, 唔係這一家你俾一蚊, 我俾一蚊。 如果打算以後共同生活, 邊有得計得咁清楚? 他日有家庭,供樓水電費裝修電器點計 ? 小朋友供書教學點計 ? 兩家有人請飲點計 ??( 男家請就老公出呀? 女家請就老婆出呀?) touch wood兩邊家庭有突發事要用錢點計? 有的人說這保護自己, 如果作為一個大學生已找到2萬一個月, 連十萬( 半年人工都唔駛) 都信唔過( 如果退了休,無工作能力, 就應該要想多下!), 仲學什麼人結婚 ? 好明顯佢係想同人夾錢買多的囉 ! 而佢的模式係同朋友生意伙伴個隻, 而一定不是打算入教堂的人。我不是你, 不敢說應否分開, 但有建議如下:l 一日未結婚簽字, 都唔建議買樓啦 ! (touch wood,一旦分開, 樓價又趺了或賣不出, 邊個供 ? 出租, 邊個收租? 點計)如果賣,無名又已出的支出點計 ? 如裝修電器分期點計 ?) l 如果真係要買, 唔好私底下俾十萬啦!　（無證無據！）寫清楚業權份額好過，如佢出３０萬，　你２０萬，　寫佢６成，　你４成好了！　不用勞氣。l 其實如果未有小朋友，唔需要咁大，　就不如不要夾，一個人出錢一個人買，　寫一個人夠好了。寧願遠的細的舊的，向ｈｋｍｃ借九成好了！l 無論你地買唔買樓，　都唔好用同一個戶口儲錢，　明顯感情唔夠，寧願要用再攞出來。 其實贈你一句，一寧可靠自己，　唔好靠人啦！我以前人工同你一樣，都自己買到樓做業主啦！去的大西北的屋苑，買的小一點的單位，１８０元，借９成，月供才７千！自己住又得，遲的供多少少收租又得。 好女唔憂嫁。就算嫁唔出，都養得起自己，養得起父母。如果為嫁而嫁，自己唔開心，父母又擔心（佢咁現實，　都唔會對你父母好得去邊，可能請你父母一家食飯都要夾錢　！）　 祝好運　！

首先呢條問題放錯地方，好明顯係感情問題大於保險！你要搞清楚你嫁佢定揾同住伴侶，一人一半？公平？呢個世界邊有公平！唔知以為佢係大耳窿放數，無端端嫁比佢從欠一身債！結婚擺酒要一半嗎？未一齊都咁計較，你做乜要咁對自己過唔去！好明顯佢唔係好愛你，如果唔係唔會咁講野，你唔好一廂情願話要嫁比人，要貼大床嗎？我比較直接，如果不啱聽當冇講過！冇錢買樓，大家都想結婚可以租屋先，慢慢儲。結婚擺酒樣樣都用錢，但首先要搞清楚嫁的問題先！

如果要公平，可以先定你們付出首期及每月供款比例，例如你30%他70%，之後用Tenants-in-common持有物業：

共 享 權 益 ”( Tenants-in-common ) 是 聯 名 業 主 的 一 種 , 聯 名 的 利 益 是 以 份 數 分 明 , 例 如 是 甲 乙 各 佔 一 半 , 甲 佔 三 分 之 一 , 其 餘 三 分 之 二 由 乙 擁 有 , 分 配 按 聯 名 人 士 間 的 協 議 而 確 訂 。 這 等 權 益 因 為 份 數 分 明 關 係 , 所 以 可 以 在 無 須 經 另 一 方 的 同 意 下 將 屬 於 自 己 的 分 數 自 由 轉 售 和 送 贈 他 人 , 及 由 後 人 來 承 繼 。

其實咩問題都好, 不如問返自己係咪想要有層樓俾自己先
你男友, 好又好, 唔好又好, 將來會同佢結婚又好, 唔結婚又好
你會唔會想自己幫自己打算好一切先?

點解咁問呢, 因為無人可以肯定將來係點
但如果你識諗, 都諗住靠自己多過靠人
由呢一刻開始, 由自己出發去諗, 咁會好D
男友果邊有就當bonus, 無起碼自己都搞得掂自己
同埋其實最重要都係要有好的理財方式
去達成你想做的野者
應該做的就做左先, 其他未諗到, 未知解決方法係咩的, 慢慢解決, 有時急唔黎的

有問可email我傾下計
按我用戶名 (tyf**), 左手邊有寫信給我

有六十萬首期可以買二百萬以下，新樓就似乎唔可能，但俾咗首期後就真係由零開始，萬一邊個份工唔掂就難供落去，世事難料﹗為安全計，建議先租住私樓入紙申請公屋。