可唔可以幫下我? 教我應該點做?

點解拍拖兩年都對佢乜都唔知,連工作時間地點都唔想對你講,佢乜都唔俾你知,咁佢當你係乜呢.?
如果真心愛一個人,一定會坦白將自己的一切講俾對方知道,就好似你咁,你愛佢自然會關心佢,亦希望佢關心自己,咁先係正常的男女拍拖喎!
現在你只係關心佢,見佢工作忙希望去探佢,點知佢講話完全係假的,被你踢爆就惱羞成怒,咁其實佢仲有無其他野呃你呢?

雖然你好愛佢,就萛佢有乜缺點都可以包容,但佢對你唔坦白就有問題,因為咁即係佢跟本無真正愛你,一d都唔重視你!
既然你唔想分手,就應該問佢點解呃你,睇佢有乜原因,是否佢放假時有做兼職唔想俾公司知,又唔想詳細同你講,抑或佢講自己咁忙只係有d想避開你,唔想成日陪你,,如果係咁,就真正要問佢因乜原因咯!
總之佢無一個合理的解釋的話,呢個人就有好大問題,我都相信你真的好愛佢,但最低限度佢對你的愛仲好有保留啦!

2012-03-14 20:31:02 補充：
咁有乜點喎,如果你唔愛佢,當然唔再理佢啦,不過,既然你仍然好愛佢,佢又肯主動約你去街,咁當然要應承佢,再睇下佢點樣解釋啦!
暫時當無事先,再間中在閒談中問問佢d日常生活,如果佢係無呃你的,咁你幾時問的答案應該都一樣的,如果佢有野呃你,自然會前言不對後語,今日問與以前問同樣問題都時時答案唔同呀!
如果大家做情侶,連工作地址都唔願坦白,要你樣樣靠估,或者要暗中偵查先知,我覺得咁真正係有d心淡咯!
所以我認為你應該再睇真d,先決定繼續落去有無問題啦!

咁你咪冷靜吓
唸清楚你鍾意他乜？

還是你只是鍾意
他是你唯一鍾意過的人
你可以包容和認同自己有愛
對方係邊個都其實冇乜分別
只是因為現在這個有難度

想清楚他其實不想你進入他的生活...

你跟他相處已經兩年, 但對他既事知道極少, 跟我以前的男友差不多, 我睇都係唔會有好結果架啦, 一對戀人, 如果拍左2年都對他既事知道極少, 一定有問題, 等我同你分享我的case, 希望你有所領悟啦.

我之前的男友平時不會主動找我, 多數一至兩個星期才會見一次面,, 甚至一個月才找你. 平日一個電話問候都沒有, 最難頂的係出街唔會拖你隻手, 各有各行, 但二人獨處時, 他就好主動親熱. 我曾向他經投訴, 他就藉口話好忙, 公司d嘢好繁.
最後一次跟他出街, 我那天本來都唔舒服, 再加上他行街又唔拖我隻手, 我好無引, 激氣得要回家, 他都知道我唔開心要走先, 他沒有送我回家, 在赤柱巴士站各自乘車離開, 之後他超過一個月沒有找我, 我打他手機又關了, 好擔心他發生甚麼事, (我們相識7年, 去過幾次他跟同學夾份租住的單位, 沒有他家人/朋友的電話), 我只有send e-mail 問他, 點知他回覆身在美國, 還告訴我幾時回港, 我當時嬲到爆炸.
他回到香港那天有馬上打電話給我, 但我沒有接他電話, 第二天我就給他電郵, 講出我不滿意的事包括出街唔拖手, 平日一個問候的電話都沒有, 一至兩個星期才見一次面, 這樣跟一個普通朋友沒有分別, 不如大家就做個普通朋友算了, 原本我諗住他收到我的電郵會好緊張, 馬上找我, 點知....... 我完全失望, 他沒有再找我啦, 我極度心碎, 我都一樣會問係咪個個男仔都係咁 ?
之後都幾年啦, 好坦白, 我都有時會想起佢, 因為他好唔負責任, 他收到我的e-mail, 起碼都約出來傾下, 和平分手都好一點. 做唔到情侶, 都可以做朋友, 7年感情原來係咁樣的一個結局, 無聲無色就完左啦, 你話條氣順唔順 ?

我蠢左7年啦, 你最好同佢講清楚你的感受, 長痛不如短痛, 如果佢無一個滿意的原因點解佢乜都唔同你講佢既嘢, 你就無謂再跟他一齊啦, 記住一個定律 : 互相了解, 比此關懷才是永恆的愛情