之前安排星期六去澳門玩買哂飛,因為分開左,所以都唔知點...之後佢話可以同我去...我都決定左同佢既關係由男女朋友變做好朋友...但其實自己個心都仲好痛...而家都有keep 住2-3 日whatapps 下...有時間1星期傾一陣電話.....傾電話時大家都問大家仲有冇唔開心丫咁...
我好唔好星期六同佢講會等佢呢...定默默守起佢身邊保護佢等佢回頭??? 女仔會點睇呢?
更新1:
其實我真係好鍾意哩個女仔...可能女仔會覺得男仔冇幾多個會長情...但我起佢同我講分開之前,真係有諗過我地既將來...我打算轉工...花多D 時間去研究投資....去考牌....儲錢買樓.. 我地情人節果日都好開心架...佢話唔收花...我就去學摺金沙花...雖然唔係摺得好好...但我食左好多好多先完成架...之後大家都考試..冇見咁多, 佢同一個我都識既男仔一齊溫書,其實我都有D 醋意既..佢考既第一科考唔好...我唔知係唔係哩個係導火線啦...起我考完第一科之後佢就同我講分開...
更新2:
我都打算同佢講等佢...雖然講左唔知會唔會大家有所避既...或者朋友都做得唔好....其實之前話分開,我都有話可以見少D , 會等佢讀完書先見多D...但佢話有其他野要繼續讀,而且冇信心...但我想試下再堅定D 同佢講多次.... 我會定個時間既,好多謝(絲絲)你既提意....前日打俾佢同佢傾去澳門D 野...唔知係唔係因為我主觀啦...有種大家都相愛而不能愛既感覺......但無論結果點都好...我希望我最少可以做到佢一個好好既朋友...明天就出發喇...希望有一個好好既消息啦~
