✔ 最佳答案
補充少少志雲兄講既野。鼠式係一架設計極端唔用腦既坦克。德國所有比豹式重型坦克係戰術上都係失敗之作，包括虎一在內。德國多年使用坦克既經驗已經明確顯示只有火力、裝甲及靈活度平衡既坦克先可以係戰場上生存，而豹式坦克係最理想既答案。事實上豹式對所有盟軍及蘇式坦克都佔壓倒性優勢，通常可以一打五，唔大量生產呢款坦克實在係白痴行為。亦多得希特勒白痴，歐戰先至可以較快結束。
鼠式嗰支炮其實有實戰過，係獵虎式(Jagdtiger)戰車既主炮。呢支炮百發百唔中，而且如志雲兄所講射速極低，可以話無用，同日魔大和號上面嗰九支18吋炮一樣係廢物。最正既係鼠式設計重量達180噸，但個引擎得幾百匹馬力，架坦克直情行唔郁，做出來都唔知做乜。
IS系列坦克雖然戰績麻麻，但比鼠式合理，起碼仲可以行，用來攻堅應該有不錯表現。最緊要係IS - 3幾廢都好，都一定可以繞到完全唔識郁既鼠式側邊或隔離將佢一炮擊毀。甚至根本唔駛用坦克，搵幾個身手靈活啲既軍人就已經可以廢佢武功，正如象式坦克一樣。
2012-03-16 22:55:37 補充：
唔好以為虎一戰車真係好打得，如果有坦克繞到佢側面，要打殘佢都幾容易。虎一最攞膽既缺憾係機械故障率極高，一架重57噸既坦克夠膽死用700匹馬力既弱鶏汽油引擎及電動炮塔，搞到馬力重量比只得每噸得12匹。過份貧弱既馬力及汽油引擎太嬌貴都令虎一戰車既妥善率好低。事實上多數虎一戰車都係因為機械問題而被放棄，其他比虎一重型既戰車都有類似既問題。
2012-03-16 23:06:51 補充：
虎一及其他重戰車更有另一個極大既問題，就係造價過高。一架豹式戰車造價係11萬馬克，但虎一單價竟然要30萬馬克，而且所需工時及人力比其他坦克多好多，亦需要特製既機具及廠房建造虎式戰車，對於物資缺乏既納粹德國來講係極度致命。相反四號戰車及豹式戰車係好快就成熟既量產品，而且仲要係質量頂尖既量產品，咁都唔集中火力生產，簡直就係蠢過隻豬。
2012-03-16 23:11:16 補充：
相反當蘇聯發現T-34好使好用之後，就集中精力大量生產十萬架，最緊要係集中力量大規模生產頂尖產品T-34-85，最終德軍被淹沒於裝甲紅流之中。
2012-03-16 23:16:44 補充：
豹式戰車其實係當時最頂尖坦克傑作。呢架戰車無論火力、裝甲及速度都適中，而且呢架坦克既工藝精細到嚇死人。為求炮塔穩定，工程師係豹式戰車既底盤加裝左一個極為複雜及精緻既液壓系統，德國不僅可以將呢個系統加入實戰用既坦克，仲可以量產，實在無得頂。
2012-03-16 23:25:42 補充：
事實上，一個齊裝滿員，裝備左二百幾架豹式G型或獵豹式(Jagdpanther)戰車既德軍精銳裝甲師，以依家既標準來講都係可怕既部隊。豹式支炮當時出名初速高，雖然呢款坦克一定唔夠現代坦克打，但一至兩個豹式裝甲師應該有能力打敗大部份中、小型國家既陸軍主力。
2012-03-16 23:30:14 補充：
相反，其他比豹式重既坦克因為太笨重，即使係當都頗易對付，有啲白痴設計如象式戰車甚至無對付步兵既機槍，根本無需要同佢硬碰硬都可以打殘佢，行埋佢隔離放個炸藥包係車底或履帶即可。
