✔ 最佳答案
搭66X可以喺荔枝角鐵路站落車,之後過對面,右轉大南西街再右轉長順街,轉乘44A專線小巴($3.3)便可到達,喺海麗邨總站落車出返出嚟過對面就到; 如能行較長時間既話,則搭66X可以喺長沙灣郵政局(乃荔枝角鐵路站再下一站)先至落車,之後向前行,過對面,右轉興華街再直落興華街西便到.
如搭西鐵,去到美孚站D出口出,之後於對面轉乘專線小巴81K便可(用八達通,專線小巴81K是免費轉乘,但要拍卡確認).落車點同行法均與44A專線小巴完全相同.
2012-03-08 23:58:52 補充:
視乎出發時間,如果朝早既話,因屯門公路通常會比較塞車,此時港鐵會稍為佔優; 但由於西鐵屯門站係尾站,要繞一個圈先至到美孚,喺其他時段比較難講,而你搭66X應該係喺大興/山景出發,同西鐵站有一定距離.
2012-03-08 23:59:54 補充:
不過如果你識去西鐵站既話,以方便程度來說,則西鐵轉專線小巴81K會係首選.
2012-03-09 00:05:14 補充:
專線小巴44A/81K中途會經過碧海藍天對面一段興華街西,該處也有一個巴士站,但由於該段路面有限制停車既黃線,未可肯定是否能直接於該處落車,如能則由該處過對面便是.