很想搞好彼此的關係但唔知點做好呀☆>親情<☆

呢樣嘢都煩咗我好耐，雖然幾長，但希望網友們睇下啦。咁我依家讀緊新高中，只得一個細十幾年的表弟、一個細十年的表妹及一個同年大我兩個月的表哥，親戚(阿爸果邊)包括佢地一年只係新年見得一次(表弟係阿媽果邊仲少見只係見得一次因為媽D屋企人住得好遠)加上我媽唔鍾意佢地(唔包括我D表)因為佢話佢地(曾經唔止一次)對佢好衰，連佢個邊都唔鍾意甚至去到憎，我同阿爸去佢地度又唔鍾意，次次一到新年就為咗呢樣嘢開火(鬧交)，由細到大都係咁今年直程無去過拜年。 我表哥同我都好鍚表妹，但係佢地就成日見仲多過我見表妹，因為個新高中搞到我好忙無時間成日都唔得閒，唔知點解表哥同級唔同校就又幾得閒喎(佢仲要係直資名校)，同埋之前佢媽(即我姑媽) 在表妹仲係嬰兒期時幫手揍過佢感情就好，加上佢(表哥)一程車已能去到表妹屋企同佢(去過唔同地方包括表妹屋企)玩，雖然我都係一程車但真係勁忙碌，只係得考試時間同暑假算係得閒，問題我發現就係因為以上種種因素我同佢地個關係唔知想點….本身二月十二號係表妹的生日會，佢媽(我姑姐)致電比我爸(佢阿哥)叫我地來，我爸去咗一陣要返工，返到來屋企先講表妹開生日會，我生氣話佢做咩唔早響。 之後表妹其實二月二十四號先五歲生日，我就二月二十六號去咗佢屋企(姑姐話二十五號有事)，我地傾計姑姐同我講表妹之前話想同表哥結婚，我當時真係有笑咗，無幾耐表妹攞咗個玩具琴出來玩，佢仲同我講話係表哥送比佢既，從以上兩件事睇到佢好鍾意表哥，咁我點算？我唔係話佢一定要理哂我呀，但係佢個腦同心裡面就好似得個表哥無表姐咁，我去佢屋企送咗份禮物比佢(唔係玩具但係有佢最鍾意的卡通人物)，不過佢折完無點show過反而玩果個玩具琴(雖然我都有學琴同佢講到兩句)之後去咗訓覺，唔係話咩呷醋，我真係唔會做埋呢D嘢，但係我心真係好難受。 講真除表妹外其實我都想搞好同表哥的關係，唔係話同佢關係好就令到表妹又鍾意我，而係我在姑姐屋企時佢比個相機我睇相，生日會其中兩幅有表哥，可能我地唔係成日見今年新年果唯一一次又無見真係好想見下同佢吹下水都好丫，搞到我望到張相又想起我地細個都幾多一齊玩，而且我想同佢道歉，因為我細個都幾任性下成日都要佢讓我(不過依家比同輩還成熟)，但係你明唔明無理由再見面時無啦啦殺句「對唔住」出來架嘛，同埋我想同佢及表妹保持聯絡唔通又無啦啦問佢(表哥)聯絡方法咩，雖然我幾男仔性格(佢唔知)，但始終係異性仲要同年會幾尷尬唔知點咁架嘛。 我真係真係好想同佢地搞好個關係同保持聯絡(唔想只係新年先見)，我要點做？但係我媽又唔係好鍾意，如果我成日係咁佢平時無嘢但到鬧交果時就攞返出來講，咁有咩方法呀？其實唔只表妹我都幾鍾意小朋友，但係成熟同幾男仔性格令我同小朋友講嘢唔識….即係唔夠孩子氣(但我有時在同輩面前唔係成日都成熟，可以表現得好低能同孩子氣都得，唔知點解對住佢地就唔得)，例如我同表妹講「做咩呀 / 傻妹」時會爽朗咁講，溫柔咁講講唔出口，表哥係度就更加唔敢講，點樣可以改變下自己呢樣嘢同埋令到表妹唔係只得佢表哥呀(加上我無辜地無去到佢生日會)？我點同表哥道歉呀？點同佢繼續聯絡呀？點樣做呢兩樣嘢而又無咁尷尬呀？咁表弟又點算呀(N年都未必見到一次依家關係都生疏驚第時仲愈漸生疏)？仲有咩嘢可以做令我同表兄弟妹的關係唔好咁不知所謂..何事呀？ 唔知有無網友身同感受或有類似的經歷呢，可能我又少表兄弟姊妹就自然緊張D唔想個關係咁樣請見諒，最好回答哂啦，唔得就盡量解答幾多得幾多啦(同埋避免超短)，辛苦你了，小女子致以無限的感激！！謝謝謝謝謝謝謝謝…. 請唔好Post埋D唔關事的嘢出來，尤其係我見過N次的「Hi，你好。關於你的問題，可以在這個免費算命網站[紫微、易經、姓名、八字]得到解答。很準!!….」，唔該哂