係英國讀書問題

halo, 我係英國讀緊書, 希望幫到你丫=]

1) 我想問呢...要讀幾耐到D英文先可以讀D音讀得靚同準...同鬼仔妹對話流利, 作文時..寫到D 靚GE句子岩grammar ...?

>> 同你分享一d經驗, 係我自己既親身經驗黎既. 首先, 要睇下你係幾閎過黎, 如果你係f.3/f.4 度過黎既話, 仲可以tune 到, 因為你仲細, 2個term 而已, language 係一種好奇妙既野, 唔同maths, 唔同science, 你識就係識, 而英文有趣既係, 你要多講, 多寫, 就算你唔想同人講, 多聽都會係一種幫助. 我自己f.4 黎既, 一開始唔講, 只係聽人講, 因為唔想俾人笑, 但係聽聽下, 你會開始捉到英國人係點講野, 佢地既重音係放係邊度, 咁樣對你學習都係有幫助既. 只有2個term 時間, 係好難話立刻變得就得既, 因為太短了. 我自己聽多左人講野, 之後, 就開始試下讀報紙, 睇下可唔可以用我學到既野, 讀一次好似英國人既口音咁, 一開始, 冇係正常, 話哂你講廣東話都講左十幾年啦. 所以慢慢黎, 欲速則不達嘛.

>> 之後, 你可以試下, 多同英國人講野, 唔好點理d hk 人, 因為有時, 你同hk 人講太多野, 會影響你自己既英文 ((因為唔係個個hk 講英文都係有英國口音的, 大多數都係帶hk 口音多)), 多同英國人講野, 就算係house staff 都好, 同佢地多講, 對你既英文, 真係會有幫忙, 而多同hk人講野既話, 你想唔要d hk 口音都難啦. 我自己就好少同hk 人講野既, 同staff/老師多講英文, 咁你自己就會變好了.同時, 要常常提醒自己, 唔好有英文既語病, 如果你多同英國人講野, 或者你會知道''oxford'' 個''ford''音係要收入去, 而debenhams個'h' 係唔發音等等, 多留意呢一d 小小既小節, 對你講英文已經可以改變好多架啦, 呢個都係''講'' 英文點樣樣可以improve 既.

>> 而口疾既話, 好多hk人講野, 都係講太快, 變左你自己都未load 好你下一句要講乜, 你上一句已經講完, 學習講下慢下來, 想講咩既, 就慢慢講, 好似英國人咁, 冇人要你講野講好快, 講得快, 但又聽唔明, 又有咩用呢? 你load 唔到既話, 可以用一d connection 既字, 幫你作一個buffering 既用途, 好似''erm, well, like those sorts... etc'' 都係有用既. 而英國人對於oral 既英文, 唔係話一定要你講得好準, 有時如果你唔記得左用past tense, 佢地都會明既, 你自己知道左你唔記得左用past tense, 下次用番就可以了. 總之, 唔好心急, 一急你個人就會亂, 到時想講咩都會唔記得哂.

>>而grammar, 就要多睇書了, grammar 唔係話你多講就會學到, 而係要多睇既, 如果你唔睇既話, 你都唔好expect 你既grammar 突然間會變得好好. 所以多睇newspaper 同書都係好方法, 唔駛睇太多, 因為太多你自己都吸收唔到, 好似你set一個target 俾自己, 一日睇一個article, 已經可以幫到好多的了.

>> 最後, 多d 參加eca 啦, 係中學果時, 我去唱choir, 唔好睇少呢個活動, 但choir 講求咬字要清, 所以對學英文好有幫助, 有一d eca, 好似係帶tour, 做club 果d 等等, 多同人溝通, 英文自然會有進步. 係中學果時, 我成日走去做presentation, 係, 第一次真係講得唔好, 第2次, ok, 到之後, 英文開始冇問題了, 可以好暢順咁講. 到左而家大學, 我帶tour, 做接線生, 講英文, 真係冇問題, 亦有英國口音, 所以, 2個term, 真係唔多, 要學好英文, 真係要時間的. 好好加油吧:)

希望幫到你丫. 有d咩可以再email我的=]