擔心…老貓突然唔去貓沙盤尿尿

我好擔心…
我屋企有兩隻老貓，
大約十五、六歲(佢地幾歲時我家收養的，所以唔肯定…)，
一仔一女，兩個都結紮左好耐咖啦…
呢幾日，其中一隻(懷疑係仔)突然唔去貓沙盤尿尿，
尿o係我地的廁所門口的地毯上面…
清理左又再柯，但我地次次都睇唔到係邊隻柯…
開頭以為係貓沙盤污糟佢地發脾四，
但清理左貓沙盤後佢地照去貓沙盤開大，
其中一隻有去尿尿(因為裡面只有一隻的份量…)，
另一隻就照尿在廁所門口的地毯上面…

以前隻仔仲後生時試過因為生尿石，
特登尿d血尿在坑渠位比我地睇，
之後我地帶佢去睇醫生醫好左…
但今次d尿唔紅，應該唔係尿石，
但佢不斷咁柯比我睇我真係好擔心…

希望大家比d意見或分享下經驗比我睇下點做，
佢而家又唔覺虛弱…
只係佢係老貓，驚佢抵抗力無以前咁好…