✔ 最佳答案
理論上,想讀全日制大學的學士學位課程,可以用mature student向個別大學申請,僱主推薦信好重要,仲有向院校證明你自己,本身學歷低,但有能力完成學士學位課程。
distance learning 制的公開大學課程的學士學位課程,可直接申請。
part-time 的學士學位課程,請自己去取份章程,留意自己是否符合入學要求。否則你都要完成副學士/文憑才報讀。
就算係全日制大學的心理學學士學位畢業,都唔會得到任何專業資格,無論香港,外地讀完心理學學士學位,都唔會得到任何專業資格 。例如做臨床心理學家,至少要讀到碩士,大部份係讀到博士,而且就算係全日制大學的心理學學士學位畢業,要報碩士,都要成績好好,先有得唸。仲有,如果你心理質素唔好,碩士係白讀,專業試唔會留情,一定唔會俾你考。
連高中/預科成績好,升到大學full time的讀心理學的畢業生都覺得好艱難,你本身學歷低,你覺得你自己憑甚麼可以讀得掂? 臨床心理學家唔係單憑好想幫人,就可以一眶熱誠去讀的專業資格。