唐英年做特首係咪等於發揚中國傳統

特首候選人唐英年昨開記招解釋大宅僭建之「偉論」，即成全城話題，眾星在微博冷嘲熱諷兼怒插，張敬軒直斥「拆僭建拆多咗，拆埋個膊」；而曾是「挺唐」派的黎明和周星馳均告「潛水」，前者身在哈爾濱未有回應，後者亦因工作未有接聽電話。

唐英年與妻子郭妤淺昨晚召開記招回應僭建一事，唐英年的「偉論」再加郭妤淺「攬晒上身」，即成為全城熱話，娛圈不少藝人都在微博冷嘲熱諷唐英年，當中以張敬軒最抵死，直斥：「拆僭建拆多咗，拆埋個膊……」又話香港真係勁過荷里活！他接受電話訪問時直言作為政治人物，打溫情牌要睇場合，覺得對方的智囊團好差，處理危機亦好差。
袁彌明：低級錯誤除了軒仔，其他歌手、模特兒和藝人也當成笑話一則來看，方皓玟笑言估不到睇新聞可以笑到流眼水，鄧梓峰則指「香港又一創舉」，楊梓瑤則反問：「唐生，你嘅膊頭突然收窄咗，定你太太嘅膊頭突然加寬咗？你嘅行為唔好講話選特首，就連做男人嘅資格都無呀！」莊思敏亦暗寸說：「代表佢嘅膊頭生咗喺老婆度，呢啲講係咁講，信唔信有眼睇。」不過，平日屬「時事判官」的袁彌明則說：「事件有指話佢賴老婆，我覺得唔緊要啦，反而佢賴同老婆06、07年感情低潮嗰度就搞笑啲囉，我認為佢可以唔講呢句！我覺得唐英年參選特首嗰陣就應該要用水泥封咗佢，呢個係低級嘅錯誤。」記招前曾以「硬膠」做話題拍短片諷刺唐英年的詹瑞文，昨日在記招後表示：「無論係咪選特首，正常男人點會唔知間屋僭建？我覺得佢落選香港會少咗好多笑話。話因感情缺失而處理唔到件事？點會用咁嘅藉口嚟解決呢件事架？佢嘅誠信會直線下降。個公關都好差，點會畀啲咁嘅金句佢講？真係擰晒頭、扣晒分。」至於一班被指是「挺唐派」的藝人如黎明、譚詠麟等，黎明則因身在哈爾濱電影節未有回應，而譚詠麟則在微博指「做特首真係光宗耀祖？」至於曾開口力挺唐英年的周星馳，則因身有工作未有接聽電話。

回應發問者及意見 001, 我們香港本土居民, 只需要一位為香港及本港市民真誠服務, 鞠躬盡瘁的特首, 而不是一位當全港人都是愚昧無知, 為自己悉心打造酒池欲林, 笑裡藏刀的, 無休止的表現鞠躬道歉的偽君子作我們的特首, 不要坐擁香港最高權力及包攬最富有小族群勢力, 主宰普通市民命運, 主宰貧富懸殊傾斜度。

市民只要經濟全方位良好發展, 適宜社會資源分配, 全民皆富, 豐衣足食, 不稀罕那些唐唐派糖, 甚麼綜援雙糧, 我們是香港支柱基石, 不是權貴的芝娃娃, 不要妄想大部份港民供養權貴豪宴華庭, 我們拾你們的廚餘口水尾, 記著, 特首也只是一名公僕, 只會讓合適合資格的人當選, 不會讓某人隻手摭天, 建立自家皇朝的, 相信阿爺都有足夠睿智, 不會重蹈六四的蠢事。

各地人如何選擇領袖?

(1)突手選舉
唐妻哭著說:[我搞出來既];唐某說:[我會負全責]
=>唐某民調支持度<20%

梁某說:[係咩?你唔講我都唔知佢係我遠親.係咩?佢地唔講我都唔知西九參賽者係我有關連.係咩?佢地唔講我都唔知參賽者同我竟然拉上嫌疑延後利益?]
=>梁某民調支持度>50%


(2)美國
小華盛頓回答說：「我不能說謊。是我把櫻桃樹砍倒的。」
=>美國人選了華盛頓

「係咩?我唔知我砍那樹係爸爸你既喎!」
=>香港人多喜歡[係咩?我唔知喎]???!!!

唐英年做特首係咪等於發揚中國傳統
唐生做唔做到未來既特首今天不知道.
今天知道的是唐生只有一招"老婆係禍水"是發揚中國香港唐家傳统.
至於唐生挖洞呢一招是向鴨皇哨牙 ton 學習, 唐生想揾"地下水".