我有一個拍拖4年半的初戀男友(中學同校開始拍),關係非常好,大家已視對方為結婚對象
近來在網上認識了一個男生(玩遊戲認識的, 以下稱他為"男生")
以下所有野男友都唔知道
男生唔係香港人, 佢冇fb, 為左溝通方便 我叫佢開fb
而我都開左個分身 冇放相 (因為我知道男友唔鍾意我比個樣人地睇)
因為平時冇朋友搵我 所以男生搵我玩 我都會同佢玩 亦好樂意
好快佢就問我拎電話 我猶豫,因為我知道我男友一定唔鍾意我比電話人, 但我最後都比左電話佢 條件係只sms 唔講電話
但過左幾日佢就開始打比我 但全部我都冇聽
係有一次禁錯制 禁左接聽 個心又有少少想聽 所以先聽左 不過我比既反應都係 嗯嗯喔喔 果d 好快就收線(1~2mins)
佢平時叫我dear, 一開始我唔知比咩反應佢好, 後黎我都幾享受呢個叫法
佢知我有男友,佢都有明示話鍾意我, 而我都再次直接同佢講我有男友(所有野係網上發生)佢每次話鍾意我 我都自己係到笑 很是開心(我有同男友講男生話鍾意我,男友開心的笑了)
其實自從同佢sms開始冇耐 我就好期待同佢sms(平時冇人sms我,男友都冇) 佢平時要返工 (我宜家搵緊工 所以冇野做o係屋企打機) 我就好期待佢放工同我玩 果排唔係咁想同男友玩(我平時同男友一起打機的)....加上同男友玩 有時會罵我..話我玩得廢(可能因為咁樣 潛意識唔想同男友玩?再加上我識男生之前,有時都唔係咁想同男友玩)
後黎...我竟然開始掛住男生, 有時對佢有生氣既感覺 有時係故意扮生氣(事實我都唔知自己有冇生氣)
不過自從我+男友+男生一起玩過一場遊戲之後 我所有感覺都冇晒(但果場遊戲入面乜事都冇發生)
我問自己 點解會有害怕既感覺?點解我會期待"唔好發生d咩差錯"? 我好似乜都冇做過wor 點解我有少少偷情既感覺? (只係有時會掛住佢...點解會有呢個感覺...)
電話都只係講過2~3次 而且不過1分鐘 我就會主動提出收線[[但同佢講野我會好似同男友咁溫柔..雖然只係幾句]]
我乜事都冇做過!但我又好似有做錯野
有冇人可以講比我知 我有冇邊part做錯
ps:為左令文章唔好咁亂 宜家先至係呢到做返d補充
我比左電話男生幾日後 我就同男友講我比左電話男生...結果男友當然唔開心 但都冇要求我任何野 只係唔開心only
同男生sd既msg我都會del 廢事比男友見到 我呢d係咪作賊心虛 但我冇講任何唔應該講既野...只係男生單方面叫我傻豬...dear...love you....但我又心中暗喜 我係咪好仆街 但佢每次講love you 呢d咁直接表示心意既字句時 我都會同佢講唔好鍾意我 我有男友
成件事冇任何人怪過我 只係我唔知自己有冇做錯 但我真係曾經有掛住佢既感覺 =[ 我覺得我好錯...我唔係曾經對男生產生喜歡既感覺呀嘛???雖然只係網上 但...精神上的不忠嗎?????有嗎???
感謝你看到最後...希望幫我的你順便說一下你的大約年齡
更新1:
fb = face.book
更新2:
可能我講漏左少少野..宜家補充返 一開始 男生o係game入面送過幾次野比我 本黎我就唔收既 不過其實果樣野冇咩用 又唔值錢 佢又話佢冇用 所以我就收左 (之後都有想送野比我 不過因為果d值錢所以我冇收到) 我同男友講 男友就話[ 佢想溝你A_A ] 我話 ：[ 哈哈 冇嫁喇 我一早講左我有男友啦] 男友：[ 頂你 唔好同佢講睇下佢會點丫嘛] --------------------------- 三人遊戲： 其實係果陣組隊唔夠人..我男友叫我叫埋男生黎.... ---------------------------- 唔笑唔通喊： 佢係真心..開心的笑 唔係無言以對的笑...
更新3:
而且我冇不能自拔啊...只係竟然會有掛住佢既感覺 我想知我咁樣有冇問題?
更新4:
多謝你肯睇晒我上面講既野同咁耐心解答我既問題..
更新5:
會唔會係因為我冇朋友 而呢排係得佢同我講野 所以我先掛住佢?
更新6:
至於sms , 大概平均每日5個左右 (純粹補充返少少資料)
更新7:
而且 我諗男友係介意的... 最近我有兩次提起男生 佢都唔會對我講既野作回應 (不過因為我提既野冇咩特別, 所以就算佢冇應我, 都唔係好覺, 但我就感覺得到, 我覺得佢介意)
更新8:
嗯 我明白了 我不會再跟他 sms 朋友都有得做既...我諗 但一開始就盡量唔主動搵佢 佢搵我玩就間唔中拒絕下佢.. 少講野一排....就算同佢講野都小心d字眼... 佢真係唔再講果d甜言先同佢正常交往...ok嗎?
更新9:
丫仲有 我發現我講野有少少誤導性... 男生唔係香港人, 但佢因工作關係o係香港定居