做左人第三者，好辛苦，誰可以幫我？

我１７歲中六。
一段時間前，我同一個男仔一齊左，
佢戈時同第二個女仔一齊，其實我可以話知可以話唔知，
因為個個都係咁講，但個男仔係收得好密果Ｄ，
所以大部份人都唔肯定佢地係咪一齊，因為問個男仔佢會答唔係或者耍你。
所以我都唔係真係咁肯定，
因為我同佢係對上２年都係幾熟，未去到好熟但唔係唔熟果Ｄ。
其實我知我地兩個都係衝動先一齊，
戈排同佢係咁ＳＥＮＤ　Ｄ好曖昧ＧＥ信息，
但我唔係幾介意，因為由一開始２年前同佢熟開始我已經知我唔會鐘意佢，
係好朋友戈隻。（我唔係個個都會咁ＳＥＮＤ　Ｄ　曖昧ＥＳＳＡＧＥ　ＧＥ人）
點知就咁就撻著左。。。
一齊左幾日就發生左好大件事，
就係全世界都知道晒，包括佢女朋友同佢班朋友。
佢班朋友原來一直都唔鐘意我，
佢地覺得我姣。。。
問心我真係唔覺，係有時同果個男仔講野會ＦＬＩＲＴＩＮＧ　Ｄ。。。
但原來咁樣係佢地眼中就係姣。
所以當佢地知道我同呢個男仔一齊就更憎我
更覺得我係第三者，覺得我折散左原先戈對。
當班人未知戈時，個男仔同我講佢同個女仔無晒感覺，
但死都唔講做咩唔同佢散（我覺得可能因為佢班朋友好鐘意之前女朋友，搞到佢唔敢同佢散），到件事揚晒出去戈時就同個女仔散左。

而家我同佢一齊左，但係班人面對會完全無互動，廢事佢地咁多野講。
但我真係好辛苦！：（：（：（：（
因為佢班朋友同我同班，
佢地係班中勢力份子，可以好恐怖，要排擠你絕對可以令到你生不如死。
其實我好驚，係班房佢地會講野俾我聽專登。
例如經過專登講，「Ｄ道德問題囉。。。」
其實我真係好辛苦。。。
全部野聽係心內但係無得講。。。只能接受
仲要佢班朋友（我班的勢力份子）好鐘意佢之前個女朋友
佢之前女友係隔離班，但成日走過黎我地班，
佢一黎，果班男仔就會搵佢叫佢玩佢同佢有講有笑，
當然我同佢班朋友係完全無野講，
呢件事發生之前就有幾句ＧＥ，
呢件事發生後就完全係無乜２句。
我真係好辛苦：（！
男朋友ＧＥ朋友咁鐘意佢之前女朋友，
仲要咁憎我。
點算，其實我知道我男朋友係無可能離開佢班朋友，
雖然呢班人ＧＥ相處模式真係好奇怪好變態，但佢無可能離得開佢地。
我可以點，每當我諗起佢班朋友講過ＧＥ野，單單打打，我心就好痛
但佢地憎我我都唔知可以點。。。
仲要諗起佢地咁鐘意佢地之前女朋友咁憎我，
我個心仲痛。

雖然我知道我咁樣叫做人第三者係唔岩，
但愛情其實真係無得解釋，點解要將矛頭指向我？
如果佢地２個真係無裂縫，邊有可能有第三者加入？
之前聽過人講
「愛情入面ＧＥ第三者唔係遲入黎果個，係不被愛果個」
我唔係為自己解釋，只係覺得呢句都幾岩，但係，又有誰這樣想？
我可以點？我仲要讀書入大學，但以上ＧＥ都好擾人。。點算？：（
我已經有嘗試改變自己，至少令自己係佢班朋友眼中無咁「姣」：（