關於化妝課程及學校

HI, 我兩年多前是在大星級化妝學校(BT)學化妝的,初時是因為她們介紹有實習而且不會強迫我地買化妝品有明星效應,那我就報了~ 後來給了5萬多元報名才知道大星級學校原來是騙人的 報名說不用買化妝品 但我地上堂的時候說如果不買就沒有實習機會 而且報名時說有18個小時實習 我3次考試都是第一的 都只有4小時的實習, 後來更沒有工作轉介 問她們出路如何, 只是說廣告上的工作轉介是指任何工作 不一定是化妝工作 那便寫了一張推薦信給我到健康食品當推銷員 十分氣憤
還有一點很想說 上了約四十堂 差不多有一半根本不是那些星級化妝師教授的 她們常常說是老師去了外地工作要筵遲上堂 但卻請來一些不出名的化妝師教我們經過了我和幾個朋友的經歷 她們都是在大學校讀化妝的 我們分別報了不同的星級學校, 情況都是一樣 迫買化妝品 沒有工作轉介 什麼實習都是騙人的, 反而後來我們各自在網上尋找一些小組教學的化妝導師教 反而不錯 而且學生沒有那麼多 不用廿多人一班 想問問題的機會都沒有 以下這間是我讀的 真的不錯
而且學完可以把自己的profile放上學校網找化妝工作 很好~你想知更多詳情可以電郵我或ｍｓｎ我的
[email protected]這個地方太多廣告了吧
Kennix Cheung
([email protected])

唔知你係想入行做化妝師還是只為興趣!?

我就係Portfolio同Make Up Forever讀過, 亦於坊間讀過一D小型化妝學校進修

如果想入行, 係一間出名既化妝學校讀過點都有d優勢!

當初讀Portfolio係因為明星效應, 因為GARY係星級化妝師, 幫過好多藝人同名人化妝, 諗住可以有好多OUTJOB機會, 結果... 0!! 而且因為我係早幾年讀, 當時Portfolio唔包考國際試, 所以有點遺憾! 不過, Portfolio其實都唔錯, 尤其MISS好nice, 而且課堂上大部份化妝品都有供應, 而且好多都係大牌子, 你可順便試清楚先決定買唔買, 加上Portfolio會替學生照作品, 效果唔錯!

而Make Up Forever所學的則屬較舊式的化妝技巧, 如果想向電視台及舞台發展, 相信是最好不過...

另外, 我有mua朋友讀過Beauty Tech, 佢話除左學費貴之餘, 仲成日迫學生買佢地d product, 所以除非你好有$, 否則唔建議你去!

不過, 如果你是為興趣既話, 坊間D小型化妝學校反而更好, 因為人小小之餘, 亦會同學生分享更多經驗 ^^

希望幫到你!

有興趣亦可瀏覽我既facebook專頁, 一齊分享
http://www.facebook.com/BeautySearchBook?ref=ts

每間學校都有長優點同特質
無話邊間最好, 只要邊間最適合你
你不妨諗下其實你最想要 d 咩, 學 d 咩, 配合 d 咩

之前都答過關於化妝學校既問題
不妨參考下, 睇下幫唔幫到你啦

**************************
其實唔同既化妝學校都會有唔同既意見

至於會唔會迫人買野
你可以睇下佢學費包左 d 咩
如果係唔包材料,
你就要有心理準備會 sell 你
有 d 甚至係暗示唔同佢地買就唔合格之類
咁當然你報名果陣唔會咁講啦
如果佢已經包晒要用既材料
咁上堂果陣都無咩好 sell 喇
仲要留意埋包材料既意思係包你上堂用一套大家 share
定獨立一套俾你番屋企呢

基本上所有學校都唔會淨理論
但或多或少都會有, 因為有 d 係理論課
另外除左上堂之後, 課餘時間會唔會有地方俾學生練妝呢
練妝又會唔會有導師可以問呢
呢樣好重要, 上堂固然要實習啦
但化妝係一門技巧性既技能
一定要多練習先得,
學左唔練等於無學過咁濟
如果學校有地方可以提供到地方俾學生練妝就最好啦
但有 d 係會收番好貴既租金, 甚至 100 蚊個鐘
呢d 計埋計埋都唔少架

至於年齡相信問題不大
而家都愈來愈年輕化
就好似我公司咁, 有個學生 14
已經考到國際認可資格
有 d 學生就 over 40 考到都有
相信呢個唔會係你既問題啦

學生人數都係好關鍵架
就好似政府開辨果類化妝課程
一個導師就 30 人,
每堂算佢 3 個鐘
仲要計埋導師示範
每人平均得幾分鐘執妝
學唔學到野就真係唔知道啦
所以小班教學係好重要
最好係8 - 10 個人啦
如果有埋助教就更加好
因為有 d 小問題,
助教到幫到手
咁導師就真係可以教得更加好

但要知道小班唔係學校收生唔夠果種小班喎
另外亦要留意明星導師係咪堂堂都出現教晒你呢
定係一早已經講明佢會教幾多堂之類
試過某 d學校俾學生投訴到明星導師成日唔在場
又遲到又早走, 其他只係 d
師姐睇住練下妝咁
坦白講, 如果個導師本身都好忙, 好多 job
又會抽到幾多時間教班呢
係真係學到野定明星效應呢,不妨多加留意

至於價錢就太多客觀因素影響
正如我之前講果幾點已經會影響

到例如少班教學, 成本自己會高左
包埋材料亦一樣
所以計學費就唔好單單睇課程
要計晒 total cost, 例如材料, 化妝掃, 化妝箱, acceossories 等等
唔可以單單憑課程學費去評論

除左以上之外, 仲要留意埋前景出路
最好可以報考國際資格
因為呢?會比較有保障
學校自己簽既証書未必個個認同
有機會去其他國家, 人地唔識你間學校又係麻煩
況且間學校又會唔會永遠都多人識, 多人俾面呢
點都係考番個國際資格穩陣 d

另外如果學校幫學生搵好多實習機會
例如演唱會,舞台劇, 平面廣告等等
定時舉辦唔同類型化妝 show
等學生可以有多 d 舞台經驗就更加好

而家香港化妝師主要工作好多都係新娘化妝
如果學校會定時落婚紗展, 吸納多 d 婚紗客人
仲會帶埋學生一齊去,
呢方面經驗真係好難得架
因為到你離開學校之後, 就未必有新娘妝俾你去跟呀

*********************************************
有咩問題可以 email / msn 我
[email protected]

其實睇你係想搵D有明星效應既化妝學校，定還是想實實際際真正有配套幫到你入行嘅化妝學校去進修化妝啦！有D學校係純粹sell星級化妝師嘅概念，但就沒有專業嘅國際認可資格考試，例如ITEC或C&G等等，因為香港政府將逐步落實推行資歷架構嘅認可資格，將來從事包括化妝美容及好多其他行業都會要求達到資歷架構入面某些特定資歷要求先可以做。而現在香港有合格的國際牌考試嘅化妝學校不是太多，所以建議可先攞到國際認可資格再入行，咁前景一定會比較隱陣啦！如果有唔明白嘅可以再發問架！我的化妝師及攝影相簿: www.fotop.net/Winkellun / FB: [email protected]

我個FD係Elite Makeup讀完,而家做緊全職化妝師,之前我去飲幫我化妝SET頭, 勁靚,勁pro lor ....你睇下呢間岩唔岩你^^