如果中國要強大,應先強化那支軍隊呢?

abc，想問你點知解放軍係韓戰死四十萬人﹖你點知解放軍打人海戰術﹖甚至你知唔知咩叫人海戰術﹖當美軍打到鴨綠江時，解放軍迂迴深入，全面滲入美韓聯軍整條戰線，突然發動襲擊，南韓軍首當其衝被殲。其後南韓軍兵敗如山倒，被俘數以萬計，呢條數點計﹖

話解放軍打韓戰損失四十萬人的確不假，但如abc一向既手段，刻意隱瞞部份關鍵歷史真相，或佢緊根本無料唔識。首先損失並不一定等如戰死，受傷至不能作戰亦計算左內，解放軍較高傷亡係因為與美軍武器差距過大，而且解放軍大量軍人因缺乏衣物凍死，絕非戰死四十萬，而且abc肯定係用美國公佈既數據。雖然中國既數據未必可信，但肯定無可能戰死四十萬。韓戰三年，解放軍只有一個180師被整個殲滅，而且係被美軍重重圍困，以重炮及戰機被輪番轟炸後殲滅。另外，當戰爭係1951年中於三八線穩定後，解放軍之傷亡先至因多次“一星期攻勢”而直線上升，但之前進攻階段解放軍係敵後靈活機動時，除非必須硬攻敵人據點，否則傷亡根本不多。

而且，解放軍入朝作戰時只有25萬人左右，聯合國軍大約15萬。當中美軍有齊最先進海空兵力全力助戰，高階將領如柯林斯、華克及李奇微等都係身經百戰既第一流猛將，手下部隊如第一騎兵師、第一陸戰師、第二十四步兵師都係美軍手中最精銳部隊，韓戰美軍實力佔整個美軍達三份一之強，係美國歷史上至今為止戰力最強之部隊。面對裝備落後幾十年既解放軍及北韓軍，第一騎兵師及24師被重創，後者師長被俘，第一陸戰師又差啲被圍殲，第十軍被迫逃出大本營興南港，最差時連漢城都失陷，最後只能係三八線穩住陣腳。全球第一超級軍事強國，有齊全部最先進武器，最精銳部隊，最優秀之將領，面對裝備超級落後既敵人，竟被打到全軍倉皇敗退，只可保住半壁江山，歷史上第一次被迫與敵人簽和約。解放軍既戰績係如此神奇，仲想點﹖請唔識歷史既小朋友積番啲口德及讀多幾本書，唔好再侮辱先烈。

中國依家仲未夠強大，最需要強化既係海軍。近年海軍雖然發展極快，但仍未夠強大，未能做到真正既藍水海軍。長遠中國海軍應該發展成可由航母控制海域、兩棲部隊可獨立對灘頭發動攻擊，潛艇控制水下廣大海域既遠洋獨立攻擊部隊，可以有力於海外保護中國之利益及為國際政治及軍事需要作重要貢獻。可幸既係中國海軍已開始向呢方面發展，先高調越洋到亞丁灣為國際商船護航，然後確實加強係釣魚台、東海及南海之巡邏，令中國既海洋利益更穩固。

2012-02-26 22:53:47 補充：
南韓於韓戰損失比中國大得多，損失有約有600,000，當然同樣唔係戰死六十萬，對於一個咁細既國家來講傷亡仍然非常巨大。值得一提既係南韓軍巨大既損失主要來自解放軍，因為解放軍從一開始就堅持打南韓軍為主，而入侵南韓既北韓軍數個主力師本身係屬於解放軍既朝鮮族部隊，與入朝解放軍一樣係經過抗日及中國內戰既百戰精銳。毫無經驗既南韓軍同呢班人打，自然兵敗如山倒。

2012-02-28 23:51:24 補充：
先澄清一樣野，本人從來唔會叫入朝作戰既新中國軍隊做“志願軍”，佢地係聽軍令既專業軍人，絕非如飛虎隊一樣既志願軍人，我絕不跟隨大陸玩呢啲咁自欺欺人，連小朋友都呃唔到既低智文字遊戲。

2012-02-28 23:58:22 補充：
abc既留言証明佢對軍事認識有限。如果以多勝寡就係人海戰術，咁美軍打薩達姆都係人海戰術。由古到今，戰爭一定係進攻一方先形成對突破點既局部數量優勢，然後再經此突破敵人防線。話共軍使用人海戰術係歷史上最唔用腦既論點。毛澤東帶兵由江西撤退至延安時只剩低二萬人，但抗戰末期共軍發展至六百萬之眾，如果共軍一開始打有前無後打死罷就既低能戰術，有無可能發展到六百萬﹖

2012-02-29 00:01:44 補充：
而且抗戰前國軍次次剿共兵力都過十萬，江西蘇區兵力頂多三萬人，但共軍就係剿不滅，後來日魔大力掃蕩游擊隊，一樣永遠剿不滅共軍，共軍如果面對無論裝備及經驗都較好既日魔都打人海戰術，一早歸西九世，點有可能之後同國民黨爭天下﹖

2012-02-29 00:07:55 補充：
解放軍最厲害既地方係在於滲透入敵人廣闊戰線後方既能力超一流。1950年冬天打第一至第三次戰役時，美軍被全線滲透，四處都係解放軍部隊，而且無一個明顯進攻方向，總之解放軍四處攻來，美軍連敵人係邊都未搞清楚，唯有全線撤退。呢個係點解解放軍永遠打不死既原因，因為我國軍人機動能力強，靠走山路、夜行軍及一流偽裝就可以快速包圍敵軍，敵人除左全面撤退別無選擇。

2012-02-29 00:10:46 補充：
造成解放軍人海戰術既錯覺主要係由於中國軍隊裝備太差，即使完全包圍敵人，若想將敵殲滅，就真係要靠軍人向敵軍據點衝鋒，由於美軍裝備太強，所以解放軍傷亡慘重。但呢樣野無損美軍滅朝徹底失敗既事實。事實上美軍整場戰爭都無法徹底打贏解放軍，最終被迫簽約。

2012-02-29 00:22:10 補充：
我話中國應該大力發展海軍係因為中國海軍係四個軍種中最弱。除美國外，當世仲有邊個國家可以挑戰中國係東亞既制空權﹖中國連反艦彈道飛彈及機動洲際飛彈都做得出，除左加強少少之外，仲係唔係要好似北韓咁剩係發展二炮﹖

2012-02-29 00:26:20 補充：
除非中國想同敵人打同歸於盡既核大戰，否則中國陸軍及空軍幾強都好，都只可以中國為基地作戰。問題係中國係外國既利益點維護﹖如果中國想對國際政治有貢獻，中國無海外基地，無強大海軍點作戰﹖地球七成係水，而水下空間亦極為廣大，任何一個真正既全球大國都必須有強大海軍。因為就算你架戰機幾勁都好，都要由極遠既基地飛過來，打兩下就一定要走，唔似遠洋艦隊咁係一整個流動基地，可以持久靈活地作戰。

2012-02-29 00:30:44 補充：
現今世界已經唔會打好似二戰既總體戰，戰爭烈度低左好多，但情況又複雜好多，軍隊攻擊力太強只會令使用靈活度大幅降低，所以新世代軍隊反而唔使殺咁多人，反而要係不同情況及不同地方都可運用先至係王道。一支強大既海軍就可以令中國既影響力遠達全球所有海洋觸及既地方，而且航艦及兩棲艦既多種組合可以長久及靈活地為中國謀合理利基或維護和平。

2012-02-29 00:33:00 補充：
簡單講，你有一萬支洲際飛彈都救唔到海外受難既中國人，又唔可以保護商船免受海盜攻擊。只有夠強既海軍先至可以到半個地球以外將中國人係任何沿岸唔安全既國家撤離，呢支先至係中國未來更需要既軍隊。

強化陸軍中国最勁就是打陸戰 韓戰個時 北韓退到中國邊景時中國就派志願軍去打一打就把韓國和美國佬打返個去 !!!

一定係二砲,唔洗講
中國海空都比人弱
一定要二砲在各方面幫手,
而且二砲唔係屬於三軍任何一軍,係獨立的,所以不會出現{只係幫到一個}的問題
個個國家對飛彈都好重視,中國,冇理由唔加強二砲的發展去面對各國的威脅

2012-02-24 21:51:01 補充：
其實中國陸軍係3軍最勁=.=
98同99式坦克都係世界上數一數二
95式機槍有人話係世界第一
重有獨立的飛彈,火箭炮部隊
又係新式的坦機協同作戰
其實韓戰中國用人海戰術,死超多人先打退到美國,
死左400,000人!比南,北韓及美國都要多!

2012-02-27 21:31:03 補充：
我又唔係傻,咩叫人海戰術我至小都知,簡單的講係以多打少，以眾欺寡。它的基礎是集中優勢兵力，以數量增加整體的實力。
用以上黎講,中國真係冇係韓戰用人海戰術?
重有,係發展都係空軍先la
冇制空權,
一來人地可以用空軍打你,二來你比較難反潛
航母控制海域唔係冇問題,但係中國重未有艦載機,要發展都會比較慢,點都要空軍幫下手
兩棲部隊可獨立對灘頭發動攻擊,我有d想笑,咩叫{{{獨立}}}對灘頭發動攻擊
你當佢萬能,你又當佢打抵擋到人地d空軍?
你可能話我唔識咩叫兩棲作戰,但係我至少知到,冇兩棲部隊會獨立作戰,唔利用空軍的幫助,我肯佢地唔單只會失敗,重有可能全殲

2012-02-27 21:41:13 補充：
記唔記得英阿馬島戰爭,阿根廷猜空軍幫手(到到上空唔可以停多過3分鐘,唔係唔夠油回程,冇制空,比人打到落花流水)你話制空重唔重要,你可能話,航母係英國人得到制空的方法,但正如我所講,中國海軍發展唔係一日做可以完全進步,艦載機同艦載機飛行員唔係一日可以訓練到,點都要空軍,二砲幫手先,你好似一直無視二砲對海,空軍的重要性,試問有咩現代戰爭係唔會用飛彈?
有咩時候唔會要飛機協調行動?但你好似當中國冇二砲一樣!
潛艇問題,我都唔係好想講,冇制空權,人地想點反潛就點反潛

2012-02-27 21:42:50 補充：
重有解放軍有打韓戰?