分手...唔知點講好

我同我男朋友拍左拖3年, 我覺得佢好痴身, 成日都想見我, 搞到我一D自由都冇, 整日只係會講i love you, 但係又冇實際行動去表示, 我叫佢出去玩, 佢係到打機, 成日話得啦得啦, 打埋呢鋪, 但係一鋪要成個幾鐘, 打開機既都知, 到左佢叫我出去玩, 我又冇曬心情, 事關我等左成幾粒鐘, 咩野心情都冇曬啦, 一日到黑成日掛住打機, 又大叫, 我覺得佢入曬魔, 食又唔理, 我仲要幫佢出去買野食, 一個星期打機都可以唔沖涼, 我頂佢唔順, 佢仲成日以為自己好聰明, 我渣車個陣時成日係隔離叫, 係隔離complain我, 又噪, 又躁, 搞到我有幾次差D撞, 仲話我既渣車技術唔好, 佢自己仲有一次就釘牌, 但係我自己牛肉乾都冇張. 仲有一次, 佢自己叫我去見下佢D friend, 有一個係佢細細個識既朋友, 但係我同佢班朋友又唔熟, 又冇咩野兩句, 我去過一次兩次, 因為我同佢地唔熟所以就唔想去, 但係佢一直係到成個細路咁叫我去, 叫我去, 但係我想同我班大學朋友一齊, 我熟, 又多野講
佢成個大細路咁, 好naive, 又想搞野, 我話我唔想, 佢成日係到摸身, 想搞到我想同佢咩, 我好煩, 因為我係基督, 唔可以做D咁既野, 佢自己本身都係, 但係佢日日都想同我搞野, 我頂佢唔順啦.
經濟方面梨講, 我家庭環境屬中上, 而佢係中下, 仲要係負債學生, 佢有一次撞車, 要賠8千蚊, 佢冇錢賠, 都係我賠既, 有陣時佢冇錢開飯, part time既人工仲未出, 我都係去接濟佢, 我覺得男女朋友咁樣都冇所謂, 一次兩次, 但係佢好似係理所當然, 我叫佢賣左一D佢既萬智卡, 佢唔肯, 我話緊急既時候, 你要命定要遊戲, 佢都係唔肯去放棄佢D遊戲,佢對遊戲個種passion, 已經係唔可以當做娛樂, 佢入曬魔, 冇論有冇錢都好, 都要去買遊戲, even放棄食飯, 個人衛生, 佢仲話大學畢業后要同我結婚, 我係一個唔怕辛苦既女生, 雖然我自己係生在一個小康家庭, 但係我pizza hut, m記個D都做過. 我都唔想同呢個咁既背境既人結婚, 可以一齊努力, 但係對遊戲入左魔既人係唔會上進, 佢係一間公司part time左成5年, 6年, 都做唔到duty manager, 我就知係咩野事.
想返轉頭, 佢係我既初戀, 我都係佢既初戀, 我知佢係唔會變心盡管有好多女仔鐘意佢(佢係幾靚仔), 但係我而且越來越覺得佢好煩, 由本來我send既1000+條信息到而家一句起兩句止, 我對佢既feelings越來越少, even有陣時係忘記左佢既存在, 我知我唔想再同佢係番埋一齊, 我係一個堅強既女仔, 但係佢係一個好脆弱既男仔, 佢既EQ好低, 我唔知點樣講先至可以將傷害降到最低, 唔會令佢做傻事, 傷害到佢或者我, 你地都知有陣時D人接受唔到會做出一D傷害人既事, 我應該點樣開始?
p.s.我估佢應該都feel到我唔想再同佢一齊, 佢而家係到極力留住我...