關於買wifi router係屋企上網既問題

從你的問題可看出，要解釋少少寬頻與WIFI的關係才能令你想通，以下為個人心得︰

你電腦本身有上網，咁你應知道電腦後面有條寬頻網線連去牆腳插座，果條叫做CAT5線，先不談手機，你試想下，如果第二台電腦也要上網，但插座得一個(已用)，就算比多條線你一邊插新電腦，另一邊都無插座插，這時便有樣叫ROUTER的東西可解決，ROUTER有孔可插CAT5接牆腳，另有數個孔可插CAT5接多部電腦，起到將一個插座中的寬頻分享到多部電腦的作用，流程是牆腳>CAT5>ROUTER>CAT5>多部電腦。

但你想下，多部電腦在家中不會同時放在一間房(可能放幾間房)，咁拉線又長又麻煩，這時便有WIFI出現(無線傳輸)，你想像一下個流程，牆腳>CAT5>ROUTER>WIFI>多部電腦，係咪好方便呢，這個又稱為WIFI ROUTER。

你家用的WIFI ROUTER要設定LOGIN同密碼，咁你多部電腦就可連至ROUTER，又可防止有心人在你門口用你的寬頻(因為唔洗線)。而所謂供應商申請的WIFI PLAN，其實只是給你一個LOGIN同密碼，等你可以在街上用佢地預先放係指定地點的WIFI ROUTER而已。

以上例子中的多部電腦，你可另想為手機，道理一樣。你可假想ROUTER等於一部電腦，可獨立運作，只要ROUTER開著，其他電腦/手機都上到網，唔關你部電腦事。希望幫到你^^

2012-02-18 01:08:45 補充：
補充一下，家用WIFI密碼自己設定自己知自己任用(可用距離視乎WIFI ROUTER質素)，而街上的機構WIFI有些沒有密碼任用，有些設了密碼，你要比錢申請才比密碼你用。

買個無線wifi router 插到電腦到,在電腦SET好個代碼,然後
只要開著個 wifi router,就算無開電腦,平板同手機都可以上網了。

wifi唔使係屋企用，去麥記，圖書館都用到，另外wifi唔使用plan，好多手機plan都有免費wifi供應，問問你手機網商。係屋企要用wifi其實係你自己供應俾自己，你有用寛頻就可以加隻wifi router，router其實係分享器，你愈多人用，分享到嘅網速就會愈少，router無須用電腦，但做設定時，就要用電腦。