為什麼高官多數是無能?如何改變?

為什麼高官多數是無能?位高便勢危, 為了明哲保身防範衰收尾, 少做便少錯, 唔做更加無錯,
無嘢做無攪作不思進取, 外界定位就係無能無卵用無鳩用.

如何改變?補充新血, 提升上位, 新官上任三把火, 肯定有攪作, 有能力才會有嘢攪.

中港兩地居民矛盾激化，導火線之一就係北京大學教授孔慶東發表侮辱港人係狗嘅言論，事件引嚟好多關注，更有人質疑港府冇及早拆彈，一眾官員更加避得就避，結果搞到中港兩地居民之間嘅敵視愈嚟愈深。尋日有立法會議員提出質詢，政制及內地事務局局長譚志源至透過書面回覆，佢義正詞嚴咁對事件表示遺憾，但又話港府唔適宜直接向出言者同內地教育機構跟進事件。佢作為主管內地事務嘅官員，竟然遲到家吓先出招打狗（論），政府高官做嘢真係夠晒效率！譚志源尋日喺書面回覆中唔點名話，留意到一個北京大學教授曾經喺年初嘅內地網絡電視發表言論，佢話相關言論已經超越學術範圍，而且係帶有侮辱性嘅言語用詞，「我們絕不認同，亦認為不能接受該位教授不當言論。我們對於該事件引起香港市民的不滿，深表遺憾。」沈祖堯勸師生理性包容雖然佢跟住話由於呢啲言論只係內地一間大學一個教授個人嘅意見，政府不適宜跟進，但係佢代表政府發出言詞尖銳嘅回應，相信好多香港人都會感覺到政府有維護港人嘅尊嚴。諗真啲，如果呢番言論早喺兩個禮拜前發表，對平息港人怒火、甚至斡旋中港居民矛盾嘅效果，估計會比家下好。去年以嚟，雙非、狗論甚至係自駕遊都成為爭拗點，中大校長沈祖堯好心痛，佢尋日喺網誌發表題為《獅子山下與深圳河畔》嘅文章，勸喻大學師生唔好再用文字同說話傷人，認為惡毒嘅言語對社會造成嘅分化同破壞非同小可，希望大家以理性代替衝動，以包容代替指摘。講到底，大家都係黑頭髮、黃皮膚嘅炎黃子孫。沈校長最後仲用香港名曲《獅子山下》作結，希望中港兩地嘅居民可以「獅子山下同拚搏，深圳河畔共舟濟」。
圖片參考：http://imgcld.yimg.com/8/n/HA06991800/o/701202170150013873438070.jpg