入屋犯法罪 (煩請peterchan7708幫忙!)

[匿名]

2012-02-16 6:59 pm

犯了入屋犯法罪及襲擊致造成身體傷害, 無案底, 受害人冇財物損失, 煩請幫忙解答, 感謝！

1. 將轉介去區域法院, 請問第一堂是否要答認不認罪？求情及判刑是否第一堂進行？
2. 知道入屋犯法罪(住宅)一般三年刑期起點, 但因受害人沒有鎖門, 被告潛入屋內企圖偷竊, 不是爆竊入內, 能否引用案例HKSAR V 張道明 ([2006] 2 HKLRD 259)請求減刑？ 3. 參照案例HKSAR V 張道明 ([2006] 2 HKLRD 259), 非住宅由30個月改為18個月, 假設住宅刑期起點36個月, 有否機會減到22個月起點？
4. 法官會否取背景報告? 對判刑有否影響？5. 襲擊致造成身體傷害是跟入屋犯法罪同一時間及地點發生, 有否機會同期執行刑期？望指教, 謝謝！

更新1:

非常感謝你百忙中抽空回答, 被告人是成年人, 因受害人屋企的門沒上鎖及半打開, 一時貪念才犯案, 但被告身上有被搜出手套是否可參考以下案例, 以機會主義犯案請求減刑? DCCC1036/2011 HKSAR V 高期安第9點-所謂機會主義犯案, 理解是指犯事者一般沒有打算去犯案, 只不過遇到一個機會時, 貪念而起, 就犯下有關罪行, 而且並不需要怎樣撬開別人的門或弄毀對方的地方而進入去, 正如上訴庭講進入一些開放式或無上鎖的單住。望指教, 謝謝!

回答 (1)

用戶2684

2012-02-18 1:13 am

✔ 最佳答案

我見過你條問題, 但呢排較忙, 唔得閒答你, 唔好意思.你講d唔講d, 完全無案情, 又無講被告年紀, 好難答你噃…1. 去到區院第一堂通常係mention,唔會takeplea住, 所以唔使答認唔認罪. 第二堂就會takeplea - 如果認罪就要睇你個律師 / 大狀準備好求情未. 準備好就可以做求情, 求情完通常會押後判刑. 未準備好就下一堂做求情, 再下一堂先判刑.2. 張道明案係偷入非住宅地方偷食咗2包公仔麵, 並在犯案後留低2蚊人仔作補償. 法庭裁定佢係偷雞摸狗多過爆竊, 所以佢果條入屋罪先至由20個月減到12個月. 你單案係入住宅犯法, 基本上係蘋果與橙, 唔可相提並論.3. 你唔理解張道明案. 如上說, 張道明案中條老爆係由20個月減到12個月, 並非由30個月改為18個月. 法官判刑係睇個別案件, 唔係數學計比例… 兩單案最明顯分別係住宅與非住宅, 呢個已經係好大分別, 因為入住宅犯案一般係涉及invasion of privacy, 令人受驚及厭惡程度比入非住宅犯案高. 而且張道明案並無加刑因素,而你果單案起碼己經多咗條襲擊罪 - 好明顯係襲擊屋內人仕 - 呢點已經係一個aggravatingfactor. 所以唔好一廂情願啦, 點會用22個月做起點呀…4. 無影響. 一定判監禁式刑罰.5. 好大機會同期執行刑期 - 條襲擊罪會令條老爆起刑點向上調,已經反影咗犯案, 所以應該唔會再分期 / 部份分期.

參考: Veni - Vidi - Vici

👍 0 👎 0