有關新高中升學問題

我係334的第一屆，我好擔心自己的前途，我係學校成績中等，只係英文比較好，我擔心唔知入唔入到大學，我唔想讀專上學院的課程，反而我想去外國留學讀個學士同碩士，去外國留學係我的夢想，但係屋企經濟唔係幾好，負擔唔到太貴。

我對酒店及旅遊管理好有興趣，我知道瑞士係呢科好出名，有好多相類似的學院，好似瑞士酒店管理旅遊學院，呢D學院有3年制的學士課程，讀多一年就有碩士課程，但係學費都幾貴，我知澳洲、愛爾蘭都有相關學院，大家可唔可以比呢3個國家的學院收費(港幣)資料[每年學費，以及讀3年的總數]我，推介邊間學院係收費便D、聲譽好同國際認可?同埋我想知D學費點樣交，每月分期、每學期前交?
瑞士的生活費(食、宿、娛樂....)係點，唔該詳細d講.

我唔想家人為了我的學費而有沉重負擔，我諗過半工讀，自己供自己讀中學同生活費，我聽人講愛爾蘭可以比學生半工讀，賺到的重多過學費，咁學費係唔係每月交?每月人工多少?夠唔夠比學費和生活費?當地的店舖會唔會請香港留學生?有冇歧視問題?半工讀係咪真係可以支付到生活費同學費?比多D資料關於愛爾蘭讀酒店及旅遊管理學士課程我，THX

重有，澳洲、瑞士、愛爾蘭讀酒店及旅遊管理，係唔係全部都香港同國際認可?
邊個國家讀呢科係又便又國際認可?

我DADDY有講過話比我去大陸讀，我知道大陸而家有外國大學的分校，外國大學的分校係咪同外國讀差唔多?係咪全部大陸大學都用普通話教?有冇D例子係全英教?外國讀好D定大學的分校好D?

同埋我想知而家香港讀大學4年總共幾多?係香港、大陸、外國讀，學費同生活費加埋，邊個貴D?可唔可以由大至小表示?

同埋我d 同學決定去瑞士讀酒店及旅遊管理，$30萬港幣2年，實習1年有$15萬，實際學費係$15萬港幣(包食,宿,學費)，我想問果d係唔係學士課程，定係只係文憑?

唔該有經驗的人士，解答以上問題，thx