狗狗食咩都嘔，點算好呀?

我隻狗係北京狗，14歲，健康精神狀態仍然好年輕，亦好活潑，亦無明顯消瘦.

十幾年都係一日一罐西莎，我後尾都知西莎唔好多fats

2個月前，狗狗開始又屙又嘔，大便係深啡色好"杰"，同埋係失禁咁瀨出黎，一瀨完就無力訓係地下

訓左2個鐘之後就開始精神返，嘔出黎包括黃膽水同少少消化左既食物


經過天后夏利維獸醫診所診斷左係Yee腺炎，吊過鹽水及血精治療

終於開始見效，呢兩個星期D 大便終於變返正常固體狀，而大便完之後狗狗亦無痛楚表現。

唯一既係嘔既問題仍然存在，食過醫生處方既低脂糧，亦轉用過醫生處方既罐頭，亦試過餵雞胸肉同麥皮

不過都係幾日就嘔一次，都係嘔黃膽水同已消化既食物，不過嘔完佢就無事。

狗狗以前耐唔耐都會嘔一次半次，但而家就隔幾日嘔一次，獸醫話超聲波顯示佢肚入面有個位置有液體狀既野，但唔知係咩黎，話有機會係水瘤或腫遛，不過都係估only

我想請問，我隻狗狗可能係因為咩原因而幾日嘔一次呢?

我相信而家再睇獸醫都未必搵到答案，因為試過好多方法都得唔到答案，不過之後食止嘔藥好似只係嘔過一次，大家可以比D意見我嗎?

Thanks 各位愛狗有心人!