點解3葉片既風扇轉動時, 彷彿有6塊暗啡色既扇葉陰影?

呢個係光源影響觀察.

1. 講D背景知識先

因為一般家居既電源頻率係50Hz,即係每一秒鐘供電50次.

例如你駁一個燈膽落屋企既電制 其實個燈膽係不斷著燈熄燈, 不過著燈同熄燈一秒鐘有50次 人腦分析唔到所以會有錯覺個燈膽係長著.

2. 解釋

我地見到扇葉係因為扇葉反射其他光源入我地對眼.

如果光源係屋企既電燈, 之前講過個燈會係一秒鐘內又著又熄50次, 咁你係燈著既時候你會見到扇葉一次, 到熄燈既時候又見唔到 但係你見唔到既同時扇葉已經轉到另一個位置. 去到另一個位燈又著, 所以你又見到.

點解係6塊葉 係因為扇葉轉動既頻率 如果扇葉頻率係 25Hz (一秒25次) 你就會剛好見到6個殘影. 當然, 其他頻率都有可能會見到6個影, 你可以自己試下諗下.

至於點解係暗啡色, 我估暗係因為殘影反既光少左. 點解係啡我就唔敢亂估.

相信你係係屋企開燈見到呢個現象, 如果你係太陽光下觀察, 呢個現象就應該消失 (因為太陽係長著的).

呢個現象既原理有D似 "頻閃觀測器" 如果你想明更多你可以search下呢個term.






2012-02-16 19:13:23 補充：
1. 001岩 我應該更正光源係50Hz 但真正有輸出係100Hz, 同要指明係慳電膽.

2. 但扇葉有三塊, 扇葉25Hz 光源50Hz 即係扇葉轉到一半光源己經閃多一次 我唔覺得呢個有問題.

3. 我有講明係殘像.

4. 我唔係好明點解你講會大左0.5倍?

你用光管/慳電膽 因為光管/慳電膽都會因為交流電頻率閃亮。交流電輸出係1 > 0 > -1 > 0 > 1嘅模式動作，1同 -1都有電力輸出，0都無電，所以每次轉變都會引發頻閃。如果你有攝影機用高速連拍功能拍攝用1/1000秒拍攝3-4秒，再用正常速度1/25秒重播，就可以清楚引証出頻閃。

頻閃會令到肉眼睇到3片葉變6片係因為你肉眼只喺有光嘅情況下先睇到片葉，同時人睇嘢係有視覺暫留，為時約1/26秒，即所見境物唔會即時改變。當舊閃影像未退，新閃影像又出現，新舊兩個影像就會同時出現。
所以頻閃 +視覺暫留 = 比正常更多葉片。

顏色方面，其實因為眼所睇到嘅唔係葉片，係葉片後面嘅環境。因為葉片高速轉動，會令本應擋住嘅境物現形，喺日光下會就做成半透明。

2012-02-15 10:05:48 補充：
註︰熓絲膽係唔會閃！

2012-02-15 10:14:27 補充：
002答錯咗！我當你燈閃真係50Hz先，扇葉係25Hz，可見影像1+25/50=1.5個 而唔係6片。
1.5即係會見到每块葉片大咗0.5倍，無分離加倍效果。

2012-02-16 10:07:16 補充：
1係第一眼所見未消去嘅影像，第二個影像，因為葉片轉速係1秒25轉，而可見閃頻係1/50秒即係要計1/50秒轉咗幾多，所以係25/50。兩個影像喺腦中雙加起，重面積就會係1+25/50=1.5倍。

2012-02-20 10:03:19 補充：
如果要有兩個影，就必需要2倍以上先可以帶到超2倍面積嘅分離效果，即葉片轉速為50Hz以上。

2012-02-20 10:16:59 補充：
回樓主及002：
正因為扇葉轉到一半光源己經閃多1次，所以會見到1.5片葉片。1.5實為1片實像+0.5片視覺暫留的殘像。0.5計數方法如上：轉速 / 時間。

2012-02-20 10:29:54 補充：
可能我只用一片黎講會有誤會，因為用3片黎講個數字會好難明。3片葉片每片可見面積大0.5，實數就係4.5，數字上會做成多一片葉片嘅誤會。如果要有分離效果，用3片葉片計數結果必需達到6以上及不可等於6。