入唔入好呀?

借8成,供25年會不會太冒險?
以而家利息咁低, 借8成, 每個月都仲供得起有餘, 咪當做交租囉, 2個人有個2人世界梗係好d啦, 係咪?
雖然短期樓市是有點下調的空間, 但, 自己用, 自己住, 當交租, 講吓就十幾廿年, 講吓就供完, 係咪?

但我男朋友就想買青華苑,華奐閣,158萬
差不多價錢買私樓係咪好過買居屋呢?
其實補咗地價既居屋咪即係私人樓, 諗咁多做乜, 平有平買, 貴有貴買, 最緊要係睇吓自己對環境配套有乜野需要, 最緊要係咪適合自己, 係咪真正有需要, 唔好為買而買......

另我地係咪一定要公屋除名,除左名會唔會影響屋企人,被逼遷到細單位呢?
如果結咗婚, 咁咪睇吓個戶籍入男家定係女家, 可唔可以供養父母, 如果冇得供養父母, 收入又超出上限, 好大可能會要搬走, 至於房署而家的寬敞戶的定義係:

1人 > 25米
2人 > 35米
3人 > 44米
4人 > 56米
5人 > 62米; 及
6人 > 71米

买私楼好。买了以后，可以拿来收租，然后对家人说，自己没地方住，要住在你们家。这样既可以有钱收，又有地方住。

風險係借8成,理論上借8成危險過借7成,借7成又危險過借6成,條件係樓價下跌,相反上升係冇問題,當然借得多,成本都多D.而分25年還,其實風險相對低左,愈長年期愈對你有利,你好在後生,果頭近既話,邊有得借25年.

至於買邊度,基本上睇你自己目標,假如打算幾年後換樓,買私樓好D,因為流轉係好D.居屋流轉低D,但都有樣野係好,冇咁多人搬出搬入裝修,冇咁多雜人租出租入.買邊度,可以有好多考慮因素,好難答.

另外係,如果一齊落名,就2個都要除名,會唔會影響到家人,可以問番房署,基本上就唔會影響既,因為小個人又搬,房署都好唔得閒.

2012-02-13 15:19:08 補充：
想講多小小,係關於你地既背景問題,其實你地有50萬儲到,人工都穩定,趁後生上車係好事,供5年左右就可以考慮生小朋友,照計都容易掌握將來.問題只係樓價目前都叫做貴,但應該咁睇,你買黎住唔係睇3幾年,25年供完先算;如果等跌,唔跌又點?等到跌,你又冇左時間,時間係買唔番.

所以呢,條件夠,就算得8成牌面,都試得過,加油!