有關外國留學問題

我係美國做左一年交流生，我發現啲外國人其實會好接受你英文差，只係要你唔驚就可以架喇。如果你係form 2 嘅話，可以諗下啲一年嘅交流計劃，通常接受15-18歲嘅學生，可以練練英文，亦都無太大嘅成本，因為你年紀細，一年之後再決定出唔出國留學都無問題。

你去到英語語系國家，英文一定會好左，你只要夠錢支持你成年嘅生活同隨時有錢返到香港就得架喇，去一年大約十萬到，包曬所有基本生活開支，仲有寄養家庭住，只需要比啲個人生活費就得架喇，我一年大約用左一萬蚊港紙，但一般可以用三四千至三四萬都有，好視乎你自己。

我參加嘅係嘅機構係AFS，你只要係EMI中學考得一般都可以去到英語語系國家，佢好睇你夠唔夠active，參與活動，唔洗太膽心成績。

外國基本上你諗得出嘅科都會有，普遍嘅語文科，如法文，德文，其他社會學科咩都會有，例如天文學社會學等等，好睇你果間學校，唔係好似香港甘有一個set 好曬嘅範圍。

F5要去讀，你想讀幾耐都唔係問題，只要夠錢就得架喇，但係要諗清楚去果邊讀係唔係真係好過係呢到讀。

最平係返大陸，其他地方要四十幾萬一年。