我有位同學可能有抑鬱症

我今年讀中三,我地班人普遍都係1997年出世(14-15歲),但我地班有個留班嘅女同學,成班都唔多鍾意佢(尤其班勁多嘢講嘅男仔成日恥笑佢),前幾日有同學發現佢竟然係1994年出世(即17-18歲)!即係若果冇留班就中學都畢業了,連$6000都可能攞到,我諗冇人會估唔到佢係咁大,因為佢唔單止身形矮小,連個樣都完全唔似18歲,大把冇留班嘅同學都成熟過佢,更不可思議嘅係,點解仲要留係間學校hea

佢平時日日都遲到,有時甚至下午先返(但聽講佢以屋企離學校遠(聽講佢住炮台山,學校在堔水埗)為由,申請遲到唔駛記嘢),返到嚟學校都唔知做乜,粒聲唔出,淨係趴係張枱度訓覺,又成日望嚟望去,不過從來冇老師話佢,除此之外,又周不時無啦啦趴在枱上喊(無聲),有時喊到成張枱都係眼淚,好似隱藏好多心事咁,似乎應該好大機會有抑鬱症

雖然我同佢一向冇乜兩句,猶如陌生人一樣,但一睇就知有問題,雖然唔知係乜嘢問題,但我諗佢應該都幾慘,雖然我絕對幫唔到佢,但我好好奇想知佢究竟發生緊咩事