被前男友恐嚇，可否報警?

半年前我同前男友係埋一齊，之後大家決定一齊買車，架車今年12月落地，雖然佢一路都無出過錢，但是初時我都有俾架車佢楂，我地一人一條車匙，通常都係佢楂車的，之後唔只一次為架車嗌交，因為我覺得佢唔愛惜架車。
有一次嗌交，我就叫佢俾返車匙我啦，佢就發癲將車匙掉左，之後佢執返，不過佢仲係唔肯俾返我，仲恐嚇話會搞我架車，發生依件事係我屋企樓下同停車場，之後佢冷靜返我就拿返條車匙，不過之後我原諒左佢，算係係返一齊，都係俾返架車佢楂。
第二次，我地又嗌交，因為佢載住我時又飛車，返到我屋企停車場，我同佢都係車上，佢真係癲左，係停車場入面衝，想撞爛架車，我一路喊住叫佢唔好撞架車，(有目擊者見到的)，佢之後落返車，但係佢又唔肯俾返條車匙我，佢自己上左我屋企，我上返去，叫佢俾返條車匙我，佢話掉左落街，我仲夜麻麻用電筒搵，(因為條車匙都成2600蚊，而且我怕車被偷)，我叫佢離開我屋企，佢唔肯，我俾左5000蚊佢，佢之後俾返車匙我，佢先離開我屋企。

我覺得好慘，我宜家好想拿回5000蚊，因為當時我好驚佢再搞架車，先俾佢
但係佢唔肯俾，我可否報警，因為佢恐嚇我(而且佢有犯罪前科，有案底，差人受理機會大嗎?(其實除左以上2次，仲有一次係停車場嗌交，佢就想楂我架車出去，都有停車場既阿姐見到的)
雖然好複雜，5000蚊又不算好多錢，我好唔甘心咁被呃錢，有無人可以幫我?