未婚媽媽怎樣做比較好?

小妹妹你連人生係乜你都未搞清楚.就亂跟男人同居. 真係入世未深.

對方32只得1萬真係唔多睇好. 經濟方面你都係轉工搵文職.我好多同事朋友一直跎到8,9月生都冇問題,你4個月就話唔想做. 如果你個佬突然走路你覺得你會點? 如果你真係想做少奶奶,呢個男人俾唔到你.

由佢講責任拋返俾你個刻你都認為呢個男人可以嫁得過. 我都真係服左你.
1. 佢明知你屋企人傳統,都要同你同居,進行性行為. 對你o既專重去左邊?

2。有左就,居然提議將你家人o既問題拋返比你,你覺得佢有冇打算當你家人做自己家人? 佢基本上就係想你知難而退,唔好結婚,唔好要細路.

3.個肚係佢搞大,佢係有誠意對你負責任,應該由佢自己向你家人交代,唔係你呢個大肚婆去交代. 比你更多壓力.

4. 你同佢講你家人o個邊冇問題,即刻叫佢同你結婚註冊(你要佢埋單呀,否則佢以為自己食緊免費餐) ,你睇佢肯唔肯先算喇. 如果佢俾你d態度係360度轉變.或者你應該自己好好睇下以後日子會如何過.

只肯叫你同居o既男人多數根本就冇打算同你結婚.因為認為自己仲又得玩. 大家都係player. 而且佢可以立刻一走了之.
你呀,都係要佢同你結婚睇下佢咩反應先喇. good luck. 希望佢唔會突然反面喇. 如果真係,你可以行外母政策. 佢父母必定鐘意BB﹐你識唔識佢家人?


2012-02-09 12:15:59 補充：
你係問未婚媽媽. o甘如果個男人肯養你同個b當然好. 但既然佢肯養肯同居點解唔肯結婚? o甘如果佢真係揀一走了之,你咪唯有搬返屋企. 以後你要擔起自己同b o既生活費用. 所以唔可以唔做野. 養細路絕對唔容易. 唔係個個b 都好乖,唔喊,唔嘈,唔易照顧. 同意#5 講o既事. 湊仔真係一晚要醒幾次,訓唔好冇精神做野. 如果個佬唔肯同你住,你最需要家人幫你照顧bb 吧? 生仔唔難,養同教先難.

真係打算keep,就記得去body check 下喇. good luck

2012-02-14 08:22:20 補充：
哈哈,既然佢肯結婚就叫佢同你父母講結婚. 登記註冊左之後, 生埋bb 你父母都唔知喇. 擺酒咪生左先再擺.

結婚, at least 註冊. 登記,之後先擺酒.但我就會揀生左先擺. o甘你父母都冇野好嘈喇? 都結左婚,個b 都係登記之後先生.係咪? 應該唔會噪你既. 只要佢肯同你結婚你就即刻好去搞喇.

唔好諗得咁簡單.
做未婚媽媽真係唔易架, 你兩個之間無共識會害左下一代, 你們而家先得4個月既感情, 我唔知你地可唔可以愛下去, 因為拍拖同結婚,生BB係唔同既階段, 拍拖點愛都可以, 無任何負擔. 結婚就要包容晒對方既缺點, 男方會背負一個承諾, 好多野係拍拖係睇唔到, 要結左婚先會令略得到. 生BB看似容易, 但到BB出世, 辛苦既日子就會出現, 每兩小時的餵奶, 換片, 哭鬧等等, 你們可以容忍嗎? 你的另一伴會支持你嗎? 沒得到共識, 將來會過得好辛苦的. 你要考慮清楚!

湊一個小朋友, 要用好多錢, BB一出世, 就要買奶粉, 尿片, 衫, 床仔...等等. 頭一年真係倒水式用錢. 仲要花時間耐性去照顧佢, 唔可以好似以前咁, 想幾時去街, 睇戲, 約朋友食飯, 去旅行, 係唔會有呢D既時間. 你會變成24小時ON-DUTY, 年中無休, 如果你家人肯同你湊, 可能會好少少, 但你可唔可以對佢一世的好, 愛佢一世, 唔會後悔自己選擇呢條路. 唔好第時, 有咩唔開心時, 就怨個小朋友害左你, 要你照顧佢一世. BB係無罪的.

唔好諗爸媽係唔係傳統既人, 事情已經發生, 就直接講, 父母關係點唔好, 都希望大家都可以解決到問題. 你已經有了兩個月, 假如不要, 都好似要係3個月前先可以去私家醫院落, 過左三個月你就要好好面對呢件事.

希望你早日能解決, 同埋要為自己既事, 好好面對, 逃避係無用的.

你好=]
好欣賞你好有勇氣, 為自己做過ge事負責任...
相信BB愈來愈大, 你會愈來愈感受到血脈相連ge感覺...

面對意外懷孕, 可能一開始會覺得好震驚, 好突然...
或者會有D不知所措, 唔知點算...但係都見到仍然決定生BB出黎,
真係好欣賞你有勇氣去承擔責任

未婚媽媽ge路真係一D都唔易行,
加上第一件事就係要同身邊ge人交代...
好想得到佢地支持, 但係又怕面對佢地...
相信由你知道自己懷孕開始, 日子就唔容易...
每日都諗緊點算好...


係上面見到你ge煩惱大概係：
1. 唔知點同屋企人交代
你平時同屋企人關係點架? 有無偈傾?
你覺得佢地係咪無論你有咩事, 都會係你身邊支持你呢???
定還是未必呢??

2. 自己思想唔成熟, 係咪怕照顧唔到BB, 無法支撐起一個家庭呢??
如果男朋友肯同你一齊的話, 相信件事會容易少少既...

3. 錢方面, 雖然你地收入唔多, 但係我相信暫時都應付到ge...只係, 你份工辛唔辛苦呢? 之後陀住個BB, 會唔會做唔到呢??


都好想知多D你ge情況, 相信以上ge問題都包括唔晒你所有ge疑問
不如add我MSN/FB傾多D丫
[email protected]

2012-02-09 18:20:17 補充：
都理解你依家面對緊好多問題, 對之後ge生活都會有好多ge疑問...
不如真係ADD我MSN傾下~~
每個人既情況同處境都唔同, 我都想知多D, 了解你多D,
先再比D適合ge意見你呀=]

同意上面位人兄講
你父母傳統就唔會比你同居啦!
始終覺得要開心見誠講
因為醜婦終須見家翁
你最後都會見肚,呃唔到落去

再者,你男朋友未必支持到頭家
如果有父母可以幫下手睇個細路
可以幫輕下你地付擔..
到呢個時候都唔可以理d uncle點講

時代變,我稔未婚懷孕都好普遍
橫眉冷對千夫指,俯首甘為孺子牛
唔好理人講甘多喇,最緊要為個bb著想
順理成章應該結婚啦......甘咪名正言順,合乎禮節!

你父母傳統又比你地同居?!

老實講, 如果你決定一定要生個bb落黎ge話
咁就咩事都難唔到你架喇
至於點講, 只有一個方法
就係照直講, 5駛修飾
開頭你父母可能會嬲
但心情平伏之後
就會接受架喇
始終係個小生命
佢地抱孫喎
點會唔開心?!
只要你地係真心係咪一齊就得
記住, bb無罪架

至於收入
其實慳慳地都夠駛
信我, 你地實過到呢關
好好咁迎接新生命啦^^