我隻狗六個月大,近排唔食佢Ｄ狗糧,點解??

你隻狗狗食開過隻糧, 沒有腸胃問題, 就不要轉啦. 怕再轉其他, 腸胃不適就會痾的. 狗狗唔肯食糧, 第一次放低狗糧15分鐘, 15分鐘過後拿走, 唔好長期放係度, 到夜晚再餵時, 用同一個方法, 佢肚餓就一定會食的.

同埋減少食零食, 唔好餵太多零食比佢.

由細到大都食開... 應該唔關牌子事
你中間有無餵過濕糧/生肉既野??
(好多狗仔食過濕糧/生肉之後就唔中意食乾糧... 因為無甘好味)

六個月左右會唔會系開始換牙仔??
我隻狗之前換牙都系麻麻地食野...
可以試下浸軟少少的乾糧又或者溝少少濕糧落去
可以順便檢查埋包乾糧會唔會過左期...
壞左既糧狗仔都會唔肯食架

如果唔關換牙事... 通常都系扭計
照平時分量餵, 如果唔肯食就收起無得食
餓一兩餐自然就會肯食架喇...

留意下狗仔平時有無好好精力繼續玩... 因為唔食野可能系病既症狀, 如果加埋無曬精神 / 糞便異樣, 可能要睇獸醫

一係食厭左
一係消化唔好 所以食慾不振

你無講咩牌子 所以唔知好唔好
但係皇家 hills就一定唔好
因為都係重味精 多鹽油

轉糧可以 轉天然糧 taste of the wild較香口
狗狗會較易接受 而且不含味精 同埋防腸胃敏感
當然轉既期間最好混糧 唔係好易適應唔到
零食同人野唔好俾佢食
佢餓自然迫於無奈食
當然唔係一定要你轉糧 你可以照食返呢隻
但有d狗可能餓到死都唔會食
建議睇返自己隻狗係咩性格先

當然純粹意見
希望幫到你