圖片參考：http://imgcld.yimg.com/8/n/HA06991800/o/701202080016313873435490.jpg
咦，甩嘴金句王唐英年有進步喎，終於講到一句說話係叫做意思完整同邏輯清晰，最緊要係唔使結結巴巴不停漏口，都算難得咯！
但好可惜，唐唐呢句噏得咁順口嘅說話，唔單止冇為佢嘅特首選情加分，反而仲被人鬧爆添！到底佢講咗乜嘢咁乞人憎呢？佢話，民望低殘係因為市民不滿政府工作所致喎，仲話對呢個現象可以諒解添。嗱嗱嗱，某程度上，唐唐講得啱㗎。市民聲嘶力竭反對佢做特首，理由多到數唔晒，好似話佢人頭豬腦嘅形象深入民心啦，「感情缺失」嘅污點搞到誠信破產啦，富二代嘅吊吊揈作風廢到無倫啦，詛咒「八十後」青年車毀人亡嘅嘴臉面目可憎啦，當眾甩鞋搔襪印印腳嘅失禮行為唔配做政治人物啦咁樣。但係，講到佢民望沉疴不起，又點可以唔提港府施政一塌糊塗呢筆帳呢？佢為官九年，其中五年仲係做政務司司長，港府工作不孚民望，唐唐絕對難辭其咎，叮！港府表現不濟，民怨自動過帳唐唐，呢個係事實。之不過咁，唐唐將自己民望低殘同港府表現混為一談，唔係想負荊請罪喎。佢嘅說話意思完整，邏輯清晰，就係要卸膊，將自己不受歡迎嘅責任諉過港府！冇錯，港府施政甩皮甩骨，搞到民怨沸騰，全港市民都可以理直氣壯口誅筆伐，但係唐唐就唔可以。喂，自己昔日有份喺熱廚房炒餸，依家除下圍裙，跑出嚟埋怨碟餸又酸又臭，搞到自己一身羶，荒唔荒謬啲呀！唐唐呢套過橋抽板嘅參選偉論，套用番佢自己嘅金句：完全係垃圾！不過，垃圾都畀人當寶嘅，唐營大好友大表認同「唐垃圾」論調，指港府拖累唐唐選情喎。嗱，上次有人讚完唐唐「大智若愚」之後，唐唐即刻多咗個花名叫「唐弱智」，今次小心又變死亡之吻喎。其實，唐唐民望尋底已成事實，點都扶唔上壁㗎啦。浸會大學爆出疑似暗助唐唐嘅民調「早洩」風波，被指黑手嘅傳理學院院長趙心樹搞到要辭任院長，就係證明！一句講晒，民望低殘賴港府，過橋抽板正垃圾。咁啦，唐唐如果想民望掉頭回升，都唔係冇可能嘅，先為自己為官九年庸碌無能向全港市民道歉，然後宣布放棄參選特首，咁嘅舉動最低限度唔會令到民望再跌，叮！
圖片參考：http://imgcld.yimg.com/8/n/HA06991800/o/701202080016313873435491.jpg
兩個特首參選人梁振英和唐英年之間，哪一個比較優勝？實在不好說，正如一個爛蘋果和一個籮底橙，二擇其一端的是難以抉擇。然而有一事愈來愈清晰，要是由民望低又賴地硬的唐唐做特首，不可能是香港之福。唐英年民望之低，早已是路人皆見的事實，問題是原因何在？正常而言，表現差自然民望低。可是唐唐實乃非常之人，此君對於一己民望低之原因另有非一般的闡釋，他說道，民望低反映市民不滿政府，再將不滿情緒發洩在其身上。簡言之，無能政府拖累有為英年。這種非一般的闡釋實在不堪一擊，輕易就可以將之駁倒了。試問，為官九年的唐英年不是政府的一部分嗎？既做過財政司司長，又做過政務司司長，唐唐即政府，政府即唐唐，市民不滿政府無非因為唐英年做大官之時一事無成，根本不存在誰拖累誰的問題。打個譬喻，顧客不滿餐廳的食物水準低劣，餐廳的廚師自然不受歡迎，廚師總不能荒謬到自圓其說，我不受歡迎是因為顧客不滿餐廳，再將情緒發洩在我身上。唐唐活脫脫就是一個千錯萬錯我沒有錯的撒賴之徒，沒有足夠的道德勇氣擔承大任。因此嘛，依我說，不要賴地硬特首，否則問責制只會進一步有責不問。即使撇開厚臉皮撒賴不論，香港若由一個不孚眾望的舵手領導，怕只怕唐氏金句一語成讖：車毀人亡。
更新1:
一直是預測唐英年和梁振英兩人可以順利入閘，至於誰勝誰負，目前是言之尚早，因為兩人各有各的政治本錢，政治發展，一日嫌長，中央應該早已籌劃好，但未到最後一刻，都不會表態。而到了現時這個階段，民意應該是最重要的考慮之一。 http://orientaldaily.on.cc/cnt/news/20120206/00184_010.html
