334香港升學還是其他國家好

全新文憑試即將開考，樓主緊張前途實屬正常。不過本人非常想係呢度提醒各位考生，番大陸或到台灣讀大學攞到既學位香港是否承認係一個極為重要而且嚴肅既問題，如果到頭來唔承認，只係白白浪費時間。

新一屆文憑試只有少於百份之二十既同學可以升讀政府資助既學位課程，如果同學不幸考唔到，絕對唔需要急於離開香港升學。其實現時香港既專上教育市場已開放左好多，坊間已有不少院校開辦文憑、高級文憑或副學士課程，專收未能升讀政府資助學位課程既畢業生。呢啲課程收生要求通常唔會好高，只要你公開考試唔係滿江紅，咁應該會入到上述是但一類課程。就算真係滿江紅，都有新既毅進文憑升學，唔一定要repeat。

當然，文憑、高級文憑或副學士都唔算高學歷，但最緊要係呢三種學歷都被政府既資歷架構認可，係香港正規既學歷，未來你可以繼續升學讀埋學士，甚至係碩士博士。當然循呢個途徑上比較長時間，但你攞既肯定係香港承認既學歷，如果樓主夠勤力，一路做野一路讀書，咁你最多比直升大學既同學遲兩、三年攞到學位，但絕對係正規受認可，唔需要下下都要離開香港。

steventtw20 大師：

我對「咁你最多比直升大學既同學遲兩、三年攞到學位」此句有點懷疑，皆因要做到此況真是要在讀文憑、高級文憑或副學士間極之努力，還要沒經工作拿經驗的時期才可，通常來說平均會是5-7年才算正常。

因為本人認識有的同學或同事都是用差不多時間。

334可以到大陆升大学。