求救**** 岩岩汁左隻流浪貓B..佢唔肯飲水

貓B啱啱到你屋企, 會怕生, 由於成個環境都係佢唔熟悉既氣味, 佢又咁細個, 會細膽d, 你要俾d耐性, 買d幼貓食既貓糧, 放d暖牛奶(一定唔可以熱, 會陸到佢, 溫度大概係30~35度左右)浸軟, 浸住d牛奶俾佢食, 俾佢飲既水最好都係暖既, 佢會舒服d, 你唔好成日望住佢or留係係佢周圍, 放佢自己一個獨處下, 佢食野同飲野時都唔好留係佢身邊, 放低d野就行開, 等一陣先返去睇下佢有冇食野, 你亦可以用d BB奶樽裝住d牛奶or水俾佢飲, 等佢適應下, 另外買個軟d既貓床俾佢, 放多幾條乾淨既毛巾同貓玩具係度, 換走你件衫, 等佢唔駛成日俾你d氣味圍住, 戒心冇咁重, 過多一排, 你可以試下用d貓玩具同佢玩, 慢慢黎, 唔好急, 如果佢都仲係唔理你, 就再過多幾日先再試

暫時唔好沖凉住，因為你之前沖過一次，應該都clean既，最好睇下有冇人有借個籠or買一個籠比佢住一段日子先，因為佢依家响一个有陌生地方，驚青唔出奇，況且家中有另一隻貓，佢因為驚所以先自我保護fee另一隻貓！最好响籠裡面放水or貓奶+幼貓糧+舊衫or舊毛巾鋪好比佢當床瞓+一個細紙箱or膠盒盛載貓砂，籠外面用布or舊毛巾cover晒大部份籠，等佢有個安全感先，得閒就抱下佢，同佢傾吓褐(千祈唔好忽略大貓，要傾偈or抱抱都同大貓傾先，免得佢對細貓有敵意)，大概一個星期佢很就會習慣ga la！之前我响街執咗隻細貓都係咁做，三日到佢己经同大貓好friend la！小小愚見，希望幫到你同細貓貓 la

佢係驚你/唔熟你氣味,又或者係天氣凍唔舒服,最好係同佢睇吓醫生先,因為你唔知佢會唔會有病,不過,你可以試吓咁:
1. 用貓奶粉(寵物店有)開碗奶比佢喝要温熱,唔好用奶樽,最好用圓碟

2.用紙箱/適合嘅造間屋仔比佢,唔好比佢冷親,用報紙/毛氈比佢保暖

3.唔好比佢吹風

4.喂佢食嘢時比佢獨處先,因為佢可能驚你而唔食嘢

5.要暖爐保持温度係25~30度,濕 度KEEP係50%以上
6.你可以以圓的大針筒(寵物店有 )喂佢奶,前題係佢要唔驚你先每4小时喂一次，晚上唔使喂,但唔好隔咁耐!!
要過多幾個星期先可以喂乾糧

祝你隻貓快高長大!