基督教有沒有聖靈激倒?為什麼?

從沒聽過「聖靈激倒」？
不過「聖靈擊倒」的事件，在使徒行傳第五章中出現過一次。那是亞拿尼亞、同他的妻子撒非喇因欺哄聖靈，被聖靈擊倒，即時死亡！

世上有很多假冒基督教去騙人的事，我們要小心。
聖經中記載耶穌醫治的神蹟奇事，從來沒有「滾地」…等等情況，而耶穌的醫治，處處見到耶穌基督的溫柔良善，格拉森趕鬼，更是讓一個處於不正常狀態的人，回復正常。神創造的記載，是讓失衡回復秩序。

聖靈的另一個工作是修補關繫，使神和人的關係，人和人的關係回復正常。聖靈也使人的心意更新，祂教導、保護…

保羅記載聖靈的果子（加拉太書）：
5:22 聖 靈 所 結 的 果 子 、 就 是 仁 愛 、 喜 樂 、 和 平 、 忍 耐 、 恩 慈 、 良 善 、 信 實 、 5:23 溫 柔 、 節 制 ．
狂叫、滾地、紛擾，都和聖靈所結的果子相異！

睇完起機聖手弟兄果段片,覺得果D人好攪笑,而片中嘅主角好似周圍搵D自己友黎擊,一按即跌,成個武林高手咁,而被按嘅弟兄亦十分識做,即刻跌倒,笑到我好肚痛,再睇猫童弟兄嘅回答,我完全相信係扮嘢嘅.激乜鬼嘢倒丫!!

不如等我一腳踢爆佢啦. 其實係冇聖靈激倒E回事架, 你在影片裏或在教會裏所看見的聖靈激倒, 其實全件事是這樣的:

(1) 事前暗示信徒:

在這些會有聖靈激倒的聚會之前的一個月, 教會會派發錄影帶俾信徒返屋企睇, 聲稱裏面有神的工作錄影了, 當然啦! 我十幾年前的經驗真係派錄影帶, 現在應該是派VCD或DVD吧.

如果你真係開黎睇, 你會見到成餅帶, 除了播放不斷有人在聚會裏被所謂聖靈激倒之外, 都冇咩其他嘢睇. 但係當信徒睇晒成餅帶之後, 已經睇咗最少幾百次聖靈激倒, 信徒因此被暗示式洗腦, 遇到類似聚會情況時, 自然識得訓低.

(2) 預先再向信徒落藥

在這些會有聖靈激倒的聚會之前的兩個星期, 團契導師或家聚負責人會派出自已信得過的門徒, 不斷向其他教友講, 如果聖靈擊你, 而你不倒下, 就代表你是驕傲, 信徒因為潛意識裏不想被人當係犯驕傲罪, 多數都會在適當時候跌底, 再加上當在聚會時親歷奇景, 人地跌, 你唔跌, 好似好怪, 在這種群眾意識底下, 通常信徒都會在適當時候倒下, 如果真係有信徒在聚會時堅持唔肯跌底, 在往後的聚會裏, 自然會有人扮先知, 聲稱聽到神跟他說, 話你驕傲, 借頭借路當眾代神剷你一餐, 咁樣你下次就唔敢唔跌啦.

(3) 親身經歷: 聖靈擊倒

我當年都參加過咁既教會, 但係我認為作為一個正直的人, 不應該扮嘢, 所以我在聚會裏, 睇住好多人跌, 我都冇跌, 點知, 我企在場上唱聖詩的時候, 突然有一個外國人牧師在我後面大喊一句「By the name of the lord Jesus Christ」跟住佢用一條好粗既中指, 一嘢插落我頸後某個穴道, 跟住我立刻如遭電極, 跌咗落地, 我咁就俾個牧師擊倒咗, 不過唔係聖靈擊倒, 係俾佢條好粗既中指插到跌咗. 原來想人地聖靈擊倒, 好容易, 只要有條好粗既中指, 同埋認穴準確, 就一定掂.



2012-02-07 20:46:44 補充：
呀! 係喎, 唔記得答埋你第二條問題添, 你問「為什麼?」

我估你係問: 「如果知道了聖靈激倒是假造出來的事情, 為什麼靈恩派教會要做這些假像出來呢?」

因為這種聖靈擊倒現像, 最初是被美國的靈恩派發明的, 在美國那邊好震撼, 被普通市民認為是神蹟見證, 扼咗好多人參予教會, 每個月收到很多捐獻, 而香港啲靈恩派就見到別人成功, 於是一味抄, 儀式又抄, 教義又抄, 有啲直頭將餅美國靈恩講道帶譯返做中文再講一次就當係自已既講道, 抄得好鬼離譜.

2012-02-07 20:46:56 補充：
聖靈擊倒, 就是這樣抄過來的, 可惜由於香港文化跟美國不同, 聖靈擊倒並未為香港人帶來震撼, 相反地, 我們香港人跟本唔明白點解神一出現, 個個就要仆街跌倒, 唔理個地硬定係軟, 一嘢訓落去, 成個白痴咁, 這只有怪香港啲牧師太鍾意抄人, 唔識變通.

約18:6 耶穌一說“我就是”，他們就退後倒在地上。

這是他們引用來支持什麼擊倒的，是嗎？

歷代願望(時兆)，第七十四章　客西馬尼，第28段
　　當耶穌迎著賣他的人前去的時候，他剛才痛苦的痕跡已完全不見了。他站在門徒的前頭說：“你們找誰？他們回答說：找拿撒勒人耶穌。”耶穌回答說，“我就是。”當他說這一句話的時候，那方才伺候著耶穌的天使，便置身于耶穌和暴徒之間。當時有一道神聖的光芒照在救主的臉上，有一個像鴿子的形體遮蔽著他。在這種神聖榮光的顯現之下，那嗜殺成性的一群暴徒一刻也受不住，就狼狽地向後退去了。祭司、長老、兵丁、甚至猶大，都僕倒在地，像死人一樣。