二個半月狗仔識聽人講野未??

我諗12歲既狗都未會"識聽人講野"囉...
舉個例丫...
突然有個法國人同你講法文你又聽唔聽得明丫?
可能同佢相處落黎.你會知道佢講邊句野係代表咩野
但係會唔會真係明白當中既意義?
你明唔明我想講咩?
如果個法國人每次用法文講"sit"
你會唔會明佢係叫緊你sit?
如果佢用另一個方法.係你每次坐底果陣講法文"sit"
你會唔會容易d明白佢講既意思呢?

正常3-4個月大先教
因為你太早教佢個腦發育都沒完全
思考會耐d 同埋無咁易記入腦
的確有d狗仔領悟能力較低
但2個半月大 多數都唔建議教住
因為好難教 而且佢地掛住玩都唔聽入腦

-.-正常都教佢痾屎尿先
然後先再教指令 其實你係先後次序都錯
多數第一樣教佢地會記入腦最耐 最深刻
._.亦有可能係你教既方法錯
基本上你想教佢sit 好易 一有零食自然識
只要將零食係佢頭上方 靠後少少
自然佢就迫住sit 久而久之就識
所以點解d人話教狗要用獎勵制就咁解
如果唔係佢做岩左 你即使讚佢
佢都覺得做完無咩回報 自然唔做

等佢大小小先教喇
希望幫到你