✔ 最佳答案
比熊 同 貴婦 (因為多數都係玩具貴婦 以下以玩具貴婦黎講)
都係屬於美容狗
要每日梳毛 最少1次
因為唔梳易有結
貴婦精力多過比熊
雖然後者身形比較大
但都無前者咁活動好動
最少每日都帶落街 先會消耗到多餘體力
後者最少 2-3日都要落街
但如果教左佢出街去大小便
就每日都要落街 睇你幾時得閒
1個鐘差唔多 (有d 半個鐘)
多數d人都會用教去廁所既噴霧
去教佢地 因為方便同快
一係就要用佢去過既尿片 引佢去指定地方痾
而且痾岩左要俾獎 去錯要打-.-(唔好暴力虐打)
後者麻煩 好多人都唔會 多數用前者
基本上一有時間都要陪
因為你有朋友有家人 好多人可以陪
但狗狗只有你一個 你唔陪佢 佢就自己一個
多數狗狗會將自己既地位放係尾二
姐係話你太寵佢 佢就當你地位低過佢
要適當咁say no 佢如果成日叫你 你要stop佢no佢
等佢停 必要時可以彈佢鼻等佢唔嘈
飲食定時 唔可以佢嘈你就俾
等佢明白你比佢大 自然就會當你係主人
即使當你係主人唔代表佢唔曳
咬野就佢地細細個既天性 (牙痕出牙仔)
你可以俾玩具佢
咬人你要彈佢鼻 控制佢唔好俾佢有攻擊性
食野方面我d狗食天然糧 營養價值高 而且對佢地健康好(taste of the wild牌子)
加上我配合埋魚油 (美毛) 同 補鈣丸俾佢地食
貴婦好易骨質疏鬆 所以食定差唔多 同比熊差唔多養法
比熊就想毛量夠而且靚就食魚油 同 靈芝粉 or 美毛粉 or 爆毛粉
都係每日清潔 抹眼線位 洗耳 定期沖涼 勤梳毛
岩岩返黎困籠 如果太細 污漕左可以用濕紙or濕毛巾抹 因為天氣冷
玩具一定要有 因為磨牙
慳位可以用掛籠式水樽
咬野要打 吠既要喝 -.-基本上就ok
出街要買frontline滴頸 殺蝨 預防蝨
同埋要買heartgard (食既) 防心絲蟲(由蚊傳播)
最好用殺蝨沖涼液 (pro-tek3)幾好
萬事做足就ok 出街都放心
希望幫到你