最近煩惱緊養狗既問題

1. 首先亦係最重要嘅一點, 你要搞清楚住緊果度比唔比養狗 (唔止大廈公契比養, 如果係租嘅, 要先得到業主書面同意)...
2. 年齡都唔係好大問題, 問題係你屋企人支唔支持你養狗? 養狗唔係剩係比嘢佢食, 照顧佢大小二便咁簡單; 你仲要預其他開支 (睇醫生, 打針, 其他雜費), 如果你屋企人唔支持你而你又無收入咁就係一個問題...
3. 養狗並唔能夠改善到你人際關係差呢個問題, 我諗你要從其他方面入手去改善呢個問題...
4. 如果你解決到第一第二點兩個問題, 你可以考慮去領養一啲小型犬 (例如西施, 貴婦, 史立莎...), 小型犬比較適合喺大廈內生活及比較容易打理 (尤其係短毛品種)...

不過都係果句: 養狗唔係三分鐘熱度, 係一個十年二十年嘅承諾, 所以真係要停一停, 諗一諗...

唔建議你養
代替朋友既可以有好多
但絕對唔可以因為咁而去養
1. 你養佢 需要承諾照顧佢一生
你得15歲 你有冇經濟能力=.=? 狗糧 寵物用品又係錢
即使你唔帶佢去美容 自己幫佢 都要買用品 又係錢
加上你地租人地間屋 又唔知俾唔俾養
如果嘈到其他人 業主趕你地 可以唔賠錢
而且即時要求你地搬 你知唔知會連累全家
到時狗都保唔住=.=自己又無地方住

2. 屋企人反對唔係單單因為大小便
而係要睇返好多野 唔單單係表面
因為佢地同你講 你都可能唔明
例如 如果狗狗病左 e.g 皮膚病 邊個帶去睇醫生
你15歲 一定比唔起咁多
即使去非牟利 都幾百蚊 而且唔係咁易斷尾
如果你屋企人唔幫你 你又會嬲佢地 (家庭關係破裂)
但幫左你 咁如果手頭緊交唔到租咁點
生活開支應該都唔細 因為4個人 水電媒樣樣錢=.=
應該得你爸爸一個做緊野 (正常黎講) 咁對佢負擔都幾大
即使佢份糧幾多都好 點都要儲定d應急

3. 環境方面 你有呀公呀婆
如果你養細狗 一陣佢地睇唔到 一kick 一係狗骨折
一係佢地仆親 又係麻煩
養大狗 地方細 佢大左 你放邊=.=?
而且大狗又要落街運動 你會唔會願意犧牲每日既時間陪佢
唔好咁快答無問題 因為好多人都係咁講
到最後唔駛幾日就放棄唔想理-.-而且無心機理佢

你其實應該嘗試去擴闊自己既社交圈子
因為唔得既 可以養隻龜or養條魚
甚至養隻倉鼠 起碼呢d你住邊都養得
而且費用又唔會話貴 加上其實呢d都可以做朋友
唔一定係狗 相信我-.-如果你宜家買左遲下一定後悔

當然如果你真係要養
芝娃娃 短毛 一黎唔怕佢甩毛 二黎佢細隻 收埋容易
加上嘈既話 都唔會太響.....破壞力又唔算太驚人(視乎隻狗性格)
係易骨折d 但唔會俾佢係高位跳落地都ok
但如果你呀公呀婆就要小心踩到佢or 俾佢kick到
當然你自己都係 一踩佢玩完=.=
岩岩買返黎要睇月份 最好唔好太細喇第一次養
3個月大比較好 但出面好多2個幾月 (未打第一支針就比較易病 抵抗力差)

純粹意見 希望幫到你