我想做會計

會計同數學並無很大關係. 就算會計要計數都唔需要計複雜數學. 我唔知你所講會計係指去公司做下會計文員或者會計相關post, 定係去會計師樓做.

公司會計工作:
會計文員:
無經驗中學畢業新入職人工六千左右, 就算比你再多經驗升職, 人工最高都係一萬幾. 會計文員職責主要係入數、開票比錢、收錢及準備入票事項、開單. 如果去上市公司做assistant account, 係要識做consolidation及corporate finance.

內部審計(Internal Audit):
有些考完牌的Big4員工亦會應徵大公司或政府的內審職位. 主要工作係進行公司的財務及運作審計, 確保公司符合監管規定, 有任何主要風險要向上級匯報, 亦要同核數師合作. 做銀行IA亦要對FINANCE有些認識. 新入職通常二萬幾人工.
(更多可以看: http://bittermelon2009.blogspot.com/2009/02/internal-audit.html)

當然如果你想做更加高級職位, 甚至係首席財務官, 公司秘書、corporate finance、上市條例等都要熟悉. 詳細工作: http://baike.baidu.com/view/94.htm#4

會計師樓:
Big4:
主要業務分為audit, tax及advisory. Audit請最多人, 三個業務四間公司大約請一千幾個大學畢業生, 任何學系可以申請, 非商科都得. Audit走係查核客戶盤數, 不只限於起會計師樓做下文件, 亦要去客戶公司工作一段時間. 客戶地點不限於香港, 唔少人要上內地工作幾個星期. 新人做Tax主要做下簡單稅項計算及回覆稅局簡單問題. 新入職人工$12k左右. 考完牌人工可以去到$30k, 做到partner起碼十年的事, 月薪大約六位數字. 不過做audit賺既係辛苦錢, 除某些team外其他team到繁忙時間可以工作到凌晨2-3點.

規模較大會計師行:
亦會請大學畢業生, 有些會offer同big4差不多人工, 有些會低點, 主要請人做核數, 但請人規模當然不及big4大.

Local Firm:
Local有大有細, 細既可以得幾十人甚至10個人都無, 大既可以租office幾層. Local Firm唔會好似Big4咁分工仔細, 做audit要做埋tax. 客戶主要是非上市公司. 有些會要求大學畢業或高級文憑, 中五或中七畢業都有, 但不算很多. 大學生畢業新入行大約$7-9k, 人工加幅不太快.

如果你想入會計行業, 現在最重要是努力讀書, 考入好的大學, 訓練自己的語文能力. 多了解會計這一行, 我說的肯定不夠, 多些看關於會計的書籍及行內人分享(例如香港討論區), 看看自己是否適合.

2012-02-05 10:43:01 補充：
補充:
有些人考完牌拿到執業資格會自己開會計師行, 不過做生意並不容易. 新公司當然要找客. 現在的客會周圍格價, 做生意前問收幾多, 收得貴就走. 現有客戶收得貴就寫信/打電話嘈(當然最後唔比錢). 如果你能夠同個客維持良好關係又收得合理, 客會願意長期跟住你. 以前有個執業會計師因為公司生意一般, 壓力大跳樓死.

作為過來人的月光光寄語:
可以讀會計, 可以考會計, 可以以會計知識, 作為最後謀生的安全網。
但是, 最好不要做會計工作, 並成為個人的終身職業, 因為, 錢途欠佳。