希望大家幫我解決呢個煩惱

我同一個女仔分開左2年,5個月前,我地傾番計,一齊msn/sms,講甜言蜜語,雙方都覺得大家好重要,佢話我約佢出街既話,會優先出席我約既,但係過左一排,有個朋友同我講,佢話個女仔驚我同佢表白,所以就慢慢對我冷漠,但係之前又話同我相愛,仲互相哄對方,我依家好亂,我唔知信唔信果個朋友既說話好,事關果個朋友係我既舊情敵黎,所以我半信半疑。
之後,有D朋友同我講,唔係個女仔親口講既話就唔好放棄,經過幾個月冇傾計,最初都仲有偷望對方,依家我直頭直行直過,當佢透明咁,諗住等佢緊張下我,但係我始終都睇唔出佢諗緊D咩,我真係好想知道佢諗緊d咩呀。
另外,我地雙方都就黎要考一個好重要既試,而且惜別會在即,相處既時間已經唔多啦,我唔想第時後悔,最重要既係:唔想失去佢。有冇人可以教下我點做?
我都知大膽D去問佢係有用,但係我怕接受唔到佢既答案。如果再睇定D既話,我怕冇時間啦,得番一頭半個月,雖然我地間中有一齊玩,唱下K咁,第時既我或者佢都可能會各行各路,識過另一班朋友,可能我愛既亦都唔會係佢。