養錦鋰個人請教問題...請有經驗者一助(20點)

Roger

2012-02-02 12:20 am

想養下錦鋰,訂左個39"x26"x33"魚缸連櫃,3分玻璃,連沙缸,O係MK金魚街維港水族訂左6,000蚊,行多幾間發現自己好似買貴左,算...

問題1:佢話我個缸要用4500唔知轉定升...的水泵,係唔係要用呢隻?

問題2:佢個泵要用大約1200蚊左右(不過有9折),算唔算貴?邊度平D?

問題3:買生物環,益菌果D又大約幾錢?(可以的話補充埋其他雜項,THX)

問題4:金魚街有D錦鋰話係日本錦鋰,但係成百幾二百蚊一條,係唔係物有所值(分唔分得出係日本定國產@@)?

問題5:我想從細條開始養,想養純金色,D百幾蚊一條係唔係會靚好多?定係同幾十蚊果D一樣?

問題6:我想養到D錦鋰大大條,我個缸會唔會唔夠大?聽講大大下個缸唔夠大佢就唔會大...有冇經驗39"缸可以養到幾大條?

問題7:太細條魚買返黎係唔係唔易養大?一開始由幾大開始買返黎好?見倒其他POST話3-5CM都有得買@@"

問題8:如果想養得大,建議我個缸養幾多條好?(我心想6條左右,又心大心細)

謝謝有心人回答!

回答 (1)

ericfung2

2012-02-02 8:28 am

✔ 最佳答案

1.你個缸有四百幾升水,應該用每小時6000L的抽水泵,
4500L/H的泵細了一點,
2.價錢方面,大陸制較平宜,約$400-$600左右,
意大利或德國制較貴,要千幾,你可以去魚街卡奇或生龍買,都較平宜.
3.生物環是生物過濾的主要濾材,主要是培養硝化細菌,一般平價的生物環,
一大包有幾L只須幾十元,而貴價的生物環每L由$60-$240
貴價的生物環養菌量較多.
4.正式的日本錦鯉當然貴一點,是否物有所值,係自己衡量的,名種靚錦鯉過萬
的也有,龍吐珠也同樣有過萬的,問題是只要你喜歡就是值得.
5.你如果係新手的話,建議先買幾十元的試養,養定後再加,或買貴一點的.
6.不錯,缸越大可以令魚兒養到較大條,39"缸可以養到錦鯉十幾吋長.
7.老實說,錦鯉大得較慢,你最好買4-5吋長的.
8.你不是已經訂好了嗎,還可以改嗎!
養魚個缸越大越好,問題係你安放魚缸的地方能容納多大,
養錦鯉以6,8,9條較好,如果養8或9條就不要買太大條的.

👍 0 👎 0