1個幾月既貴富狗bb問題

你有冇浸糧比佢?? 可能佢之前唔係食開呢隻糧, 你又無逐步同佢轉. 佢唔適應就會肚柯囉.
雖然佢介左奶, 但始終咁細BB 最好用狗奶粉浸糧比佢. 有營養D.
你可以係屋企觀察1個星期再拎去獸醫度BODY CHECK 同打針.
大小便你試下將個廁所擺係籠入面, 通常BB去廁所0既時間係食完野同埋訓醒.
係呢D時間你就將佢放入籠, 等佢柯左就讚下佢先放佢出黎.
或者你見到佢想柯0既時候 ( 或者已經柯緊) 都將佢抱去個廁所, 柯完就讚佢或者改比糧佢當小食獎佢 ( 佢咁細唔建議比小食).
過多幾日應該OK 架喇!
BB 係成日都想訓架. 而家天氣又咁凍. 如果佢胃口OK , 訓醒玩0既時候有精神就應該無咩問題.

3個月先打第1支 之後第4個月1支 第5個月又1支
到時你問獸醫佢都會解答你

royal canin有味精 食完當然痾
因為狗bb 1個幾月大腸胃好敏感
唔知你有冇用暖水浸軟俾佢食呢 無就重麻煩
味精糧會令狗狗腸胃受刺激 唔舒服會嘔會痾
更甚就可能要入院 而且會引致皮膚病

狗bb 2個月左右先戒奶 佢提早左戒
身體自然個營養都唔均衡 免疫力亦會較一般狗b差
bb係食完就訓 玩下又訓 訓醒又食 如此類推
暖風機暖住佢..小心佢大個失去左自己調節溫度既本能
我建議你係盡量令室溫既差距唔好太大
如果唔係你可能開大左個窗or開一開對門佢都會冷親
到時又係手尾長 因為bb一感冒未打針
好易就會引發其他病 更甚就狗房咳 or 狗瘟

你可以買個訓覺床俾佢 亦可以買件衫俾佢
其實狗狗著衫已經好普遍 就算令佢皮毛失去保溫功效
但始終唔係隻隻狗都可以單靠自己d毛去保溫
所以先會有衫仔面世 單單以上兩樣野已經夠晒
但1個幾月大d衫仔都可能好快唔岩 建議你買床仔or買張墊俾佢訓

另外佢咁細 大小便都唔係宜家教 你亦可以宜家教
我就建議4-5個月大教就最好 因為佢個腦完全發育好晒
點教 你可以買教狗狗去廁所既噴霧 或者用佢去完廁所既尿片
放係你想佢去廁所既位置到 等佢知道個度係廁所
4-5個月大就最受教 加上抵抗力都會好左
咁你都唔怕佢會太虛而唔敢打佢-.-(當然唔係暴力對待)
以上純粹意見
基本上
1.建議你浸軟d糧俾佢
2.買將床or墊俾佢 再唔係俾條毛巾佢
3.用籠困佢 因為咁做係防止佢感染到or食到地下or周圍既污漕野
當然你唔困都ok 但要保持乾淨
大概係咁多 希望幫到你