真的很煩惱, 希望大家可以俾到意見我,,感激感激!

我個人認為，有無錢唔係太緊要，最重要係自己心愛0既人對自己好，咁就足夠啦。係人都想有錢，想過好日子架啦。有錢乜都買到，而且唔使做，可以享受奢華0既生活。世人就係有埋一種咁0既諗法，所以就比"錢"呢一樣野矇住左雙眼啦。錢係萬惡之源呢。人們紛紛為錢為利益爭鬥個你死我活，不惜不擇手段去陷人於不義以獲得財富。其實財富足夠日常所需便已經很足夠了。做人要"知足才會常樂"呢。舉一個例子先，中國大陸果d遊牧民族佢地都無$架，但係佢地由於知足同埋生活簡樸0既關係，佢地每一日都生活得好快樂。而且無任何利益紛爭，仲非常合群，有團隊精神添。
呢個世界上有得必有失呢，搵個有錢0既，佢有機會唔可以經常陪到妳，令妳經常獨守空房，，又或者比較容易有二奶0既出現，令妳感到寂寞，從而有機會變到果d富婆咁樣，抵受唔全寂寞，之後就靜靜雞出去叫鴨或結識第二d男仔，從而獲得歡樂。呢d就係比錢尋開心。
揀一個無錢0既，佢可能會對妳好好，令妳唔會寂寞，但係就要妳同佢一齊返工撐頭家，體力上辛苦d。不過以上都係其中一d情況姐，並唔係每個人都係咁0既....咁就要睇下妳有乜際遇啦~
呢d野人地係可以比意見妳，但係選擇權係妳自己決定，同埋妳都已經決定左揀左個有錢人啦，咁仲使乜再叫人比意見呢?
人有三衰六旺，因果報應會循環，風水亦會輪流轉。今日妳為左妳0既私慾去放棄大家感情，將來有機會風水輪流轉，雖然呢一刻後者經濟情況好d，但係將來係估唔到架麻，或者以後有錢果位變到無錢，而妳飛左果位男朋友就變到好有錢呢。我唔係嚇妳丫，我身邊就有幾位發生左呢一種事情啦。佢地都後悔莫及，因為連仔都生埋，但咁0岩老公生意衰左，或包二奶，而前男友都生活得非常幸福添丫。
我自己本人一定唔會睇錢做人，要錢我自己可以努力搵，我又唔怕辛苦，我自己對於感情方面最著重就係感覺啦，只要對方對我好咁就已經非常足夠嚕^^嘻=^.^=
所以呢，妳自己就衡量一下，睇下妳自己需要邊方面0既野多d啦，無野係完美架，妳依架是但揀一方，都有機會損失一d妳想得到0既野。不過我認為比妳飛左果位男朋友好似好d，至少佢有意為妳去改正自己先啦。"每個人都需要去比機會重新改過，重新學習，再比其他人重新接納架，呢個係每個人都應該擁有0既公平機會呢"同埋我認為妳需要學習一下唔好咁勢利同自私呢，呢方面有待改進。
客觀d咁講，如果以時下一種稱呼黎稱呼妳0既話呢，會比人稱為港女呢。唔想比人咁諗妳就改正一下啦。加油吧~!!

請恕我直言了一點，
不要再天真了，
你已經揀左啦，
還可以再揀過嗎？

你心裏想的一套雖然世俗些，
但也不是十惡不赦，
只要你活得開心，
沒有真正的揀得對與錯，
窮人有窮人的辛酸，
富人亦有不為人知苦處！


你說後者愛錫你多點，( 其實女人都希望另一半如此啫 )
希望你從他對你的態度，
去深深感受下

當然揀同你相處左7年果個啦！
結婚係一定要講感情感覺，生活無憂唔代表你會幸福你會快樂，唔想有一段令你後悔既婚姻，你就應該盡早挽回，當你結完婚先後悔想要返舊果個既時候，可能人地未必想要你。
不過你應該盡力幫你既bf改善一下佢既缺點，唔得既話，不如索性由你擔起家庭支柱既責任！但係我諗結左婚之後佢應該會定性…不過男女之間唔一定要結婚，感不如等你地有能力先結婚都唔遲啦！

我會簡我愛他多d既男人:)

因為呢 女人都鐘意亂諗嘢
你同佢一齊唔覺得幸褔既話 遲d實有諗點解無簡之前個個同佢捱!
佢都肯比你plan 聽哂你話
跟住只要佢有上進心 咁你都覺得幸褔啦:)))
如果比你嫁左個他好愛你好有錢 成日買嘢比你哄你開心 但根本唔知你鐘意乜嘢 同佢一齊點都唔係好開心既男人 會後悔一世的!!

你都識講"同自己捱一世但係依然感覺好幸福既男人 "
咁即係你都覺得同佢捱係幸褔既
咁就夠啦!!!!!!

點都好,係你既choice!
唔好後悔就得!!

我覺得你應該揀後者,但係如果你前男友同你講話佢會聽晒你話,

你應該先叫佢做左啲成績出黎先,因為錢係依個世界真係好重要,

如果你同之前個個復合,屋企既所有開支都係要你為大,如果你依

家冇工作,可能要你出番黎做,仲未計你地之後會唔會生BB,所以

如果你真係好想同前男朋友一齊既話,你叫佢賺到錢先啦,當佢賺

到錢,你再同後者分手都未遲丫,唔洗自責架,依個世界真係好自私

有好多人比你更加自私,如果你前男朋友叫你先同後者分手,你千萬

唔好信佢,因為你係佢既動力,如果你已經係佢身邊,佢咪冇左個動力囉';