希望有幫我解夢, THX!!!

(個夢都幾長, 唔好意思)
我發左個夢, 其實係兩個, 本來發緊第一個夢中間突然去左第二個唔關第一個夢事既夢...之後我扎醒左....訓返又繼續發返第一個夢既下半PART...我想知道夢既意思, THX!!!

第一個夢 (其實我冇咩印象了)

大致係講緊我同我男朋友去左海洋公園玩(但夢中既海洋公園唔係現實果個, 係我虛構出黎既), 但係夢中我同我男朋友玩得好開心, 但我地唔係去玩D機動遊戲, 而係去左一個關於孫中山既展覽/博物館之類既地方參觀, 之後出左呢個展館, 我見到有個人化妝成麥當勞叔叔等人去影相, 我一眼就認出佢係我個FD, 但我冇同佢相認, 只係同佢影左張相....之後就好似去左第二個夢

第二個夢 (係好恐怖的, 所以我嚇到扎醒)

我屋企係其實養左兩隻龜, 係夢中我果兩隻龜竟然係要食雀仔肉, 而我又真係會整死D雀仔用匙羹"不"D雀仔肉黎餵佢地食, 但我自己都覺得好殘忍, 之後我再做唔出呢D事, 但我兩隻龜只會/ 只可以食雀仔肉, 中間有D唔係好記得, 其中一幕係我唔想再整死D雀仔, 但有兩隻已經整死左既雀仔 (一隻係地下, 一隻勾住左係一D野度), 其實個夢仲有第二個人 (但我唔知佢係邊個, 我只係聽到聲同見到佢隻手), 第二個人就執起地下果隻餵我D龜, 然後呢個人就叫我拎埋勾住左果隻灶仔落黎, 但我唔想, 不過佢就命令我, 我就用一塊布/ 紙巾包住隻手拎佢落黎...我一拎起隻雀仔, 我係夢中既壓力大到扎醒左....

第一個夢

訓返之後我唔知點解又發返第一個夢, 我同我男朋友繼續係我虛構既海洋公園, 個海洋公園好似係由好多積木砌成既蛋咁樣的, 我地去完孫中山個博物館, 就想玩機動遊戲, 搵海洋公園新開果個過山車 (呢個同現實一樣海洋公園開左最新既過山車, 但現實我未去玩), 之後我地就離開去食飯, 食飯既地方(仍然係虛構的, 現實冇呢兩間餐廳)有兩間餐廳, 第一間餐廳係上一次我同我男朋友去完海洋公園去食飯的, 但我地覺得唔好食, 於是我地今次揀左隔離果間餐廳, 入到去侍應安排我地坐係窗口位既入一行, 我估應該係因為我地冇BOOK位所以冇得坐窗口位, 我地見到窗口出面係一個好靚好靚既日落!!!!果陣覺得心情都輕鬆左, 之後我地揀野食, 有中餐中西餐 (唔知對解夢重唔重要, 但個夢好似完喇)...最後就食飯就完左個夢喇

我唔知呢個兩夢有咩關連, 特別係第二個夢, 我好似知點解, 因為真係好恐怖!!!
希望有高人睇哂幫我解下, 萬分感激!!!!