✔ 最佳答案
輕微-.-? 癥狀 你自己判斷?
係見到佢有d咩癥狀令你覺得佢係呢個病
因為 好多病既病癥都差唔多
打噴嚏可以係敏感 可以係氣管唔好 亦都可以係感冒
傳染性黎講 你應該即刻帶去睇醫生 因為你自己無咩可以幫到佢
只能靠藥物同醫生既幫助 去將傳染性支氣管炎醫治
而且你必須消毒 因為傳染性係會傳播細菌
有可能變種令人類感染都唔奇
支氣管炎分以下幾種
支氣管炎 細支氣管炎 <<呢個為一大類
急性支氣管炎 慢性支氣管炎 <<呢個為分類
再根據以上再分下列3類
1.感染性(傳染性)支氣管炎
2.寄生性支氣管炎
3.過敏性支氣管炎
以上3全部既癥狀既開始都係一致
1.會有假咳(姐係乾咳) 興奮同運動個陣會較常見
2.隨著病情嚴重 會開始有分泌物由口腔吐出 變為濕咳
如果過敏 多數會咳咳下想嘔咁(姐係惡心 作嘔 但無野嘔出黎)
特別係喉嚨同頸部受刺激個陣
基本上最常見係狗b身上係狗房咳
但係打左第一&第二支預防針已經係預防左呢樣野
即3-4個月大
支氣管炎 基本上
如果係過敏 就盡量保持空氣流通
唔好放花類植物 (因為有部份狗會對花粉 種子敏感)
其實感冒都會令到狗有類似支氣管炎既情況發生
加上呢排天氣轉涼 建議你睇埋佢有冇鼻涕鼻水先
當然 煙同清新劑 香水都盡量少d
始終狗既鼻比人類靈敏100倍
咁有d品種甚至更多
傳染性就一定係好麻煩要俾獸醫醫
過敏性就自己盡量做到空氣流暢就ok
寄生性 姐係感冒類型 都係要睇獸醫
以上純粹個人見解 我亦唔係咩特別專家
不過都讀過獸醫學 希望幫到你