想問6月初定9月初去瑞士會比較適合 ?

當年我8月去瑞士，少女峰及馬特杭峰山上都有好多雪，樓主唔需要擔心。少女峰登山纜車唔係昂平360既吊車，真係一條普通鐵路，所以係全年開通。要留意既係即使樓主有Eurail Pass，由半山上少女峰頂既火車都只係半價，而唔係一般火車既免費。

8月既瑞士天氣好到不得了，不過由於Interlaken有一定海拔高度，所以都有啲凍。至於少女峰就睇你好唔好彩，如果好似我咁好彩上到去萬里無雲，咁上面唔算好凍，著厚啲既外套都得，但如果係多雲多霧，咁就一定要著羽絨。瑞士本身就係一個唔熱既國家，佢既酒店及火車都無冷氣，而佢夏天時日落都比較遲，有較多時間玩。

1. 6月初已經有登山纜車，我上次去都係6月頭。

2. 9月歐洲已經開始凍，而且成日會落雨，反而6月時天氣會好些。